________________
जिनवल्लभसूरि-ग्रन्थावलि
७. सप्तमं कुलकम्
एगिदिएसु अत्थिय, कालमणंतं पसुत्तमत्तुव्व। कहमवि कयाइ केइ वि, जीवा पावंति तसभावं॥ १॥ तत्थ नरत्तं तत्थ वि, सुहखित्तं तत्थ जाइकुलरूवं। तत्थारोग्गं तत्थ वि, चिरजीवित्तं च अइदुलहं॥ २॥ तत्थ वि बहुसुहकम्मोदएण धम्मे वि हुज जइ बुद्धी। तो वि जियाण न सुलहो, जिणवयणुवएसगो सुगुरू । ३ ।। ता गहिरमहोदधिमज्झ-पडियरयणं व कुसलसामग्गिं । दुल्लहं पि लहिय विबुहो विहिज्ज सुद्धं सुधम्मम्मि ॥ ४॥ साहुगिहिभेयओ सो, दुविहो तत्थ पढमम्मि असमत्थो। जहसत्तिं गिहिधम्मं, कुणसु तुमं भावओ तत्थ ॥ ५॥ तिक्कालं चिइवंदण-ममंदआणंदसुंदरं “विहिणा। तह सुविहियजइसेवण-मित्तो जिणवयणसवणं च॥ ६॥ जिणपूयाइविहाणं, तग्गुणनाणं तहा मुणिंदाणं । विहिदाणं सुहझाणं, तवोवहाणं च जहसत्तिं ॥ ७॥ सज्झायनियमकरणं, अपुव्वपढणं च उचियसमयम्मि। किच्चं निच्चं पि तहा, जहजुग्गमभिग्गहग्गहणं ॥ ८॥ जिणसु कसायपिसाए, पसिद्धसिद्धं तमंतजावेण । उवसमयसु विसयतिसं, संवेगामयरसं पाउं ॥ ९॥ बहुलोएण विनिंदिय-मिंदियपसरं निरंभसु अमग्गे। पडिवज्जसु य जहारिह-मागमविहिणा गिहिवयाइं॥ १० ॥ सुहिसंबंधो बंधो, बंधुजणा हियविबंधगा धणियं । पासो अगारवासो, असंखदुक्खावहा कामा ॥ ११ ॥ ही चवलं देहबलं, ही लोलं जुव्वणं च जीयं च। थू अथिरं विसयसुहं, हद्धी!! रिद्धीउ चवलाओ॥ १२ ॥
Jain Education International
For Private & Personal Use Only
www.jainelibrary.org
