________________
६४
द्वादशकुलकानि
कुग्गहकलंकरहिया, जहसत्ति जहागमं च जयमाणा। जेण विसुद्धचरित्त त्ति वुत्तमरहंतसमयम्मि॥ १४ ॥ सम्मत्तनाणचरणाणुवाइमाणाणुगं च जं जत्थ । जाणिज्ज गुणं तं तत्थ पूयए परमभत्तीए ॥ १५ ॥ काऊण रागचागं, मणे मुणिज्जा गुणागुणविभागं। भाविज कडुविवागं, च कामरागं सयाकालं॥ १६ ॥ दक्खिन्नमपेसुन्नं, भवनिग्गुण्णं च दुहियकारुन्न । मन्निजन्नपि मणम्मि निम्मले निच्चमिच्चाइ॥ १७॥ हणिऊण कोहजोहं, माणगिरिं दलिय मलिय मायलयं । दहिउं लोहपरोहं, मोहपिसायं विणासिज्जा ॥ १८॥ माणिज्ज माणणिज्जे, हीलिज न केइ लोयमणुयत्ते। वसणे धणि व्व पत्ते, गंभीरधीरं मणं कुज्जा ॥ १९॥ पन्नवणिजं' गुणिजणमुचियं चोइज्ज दिज उवएसं। सयमवि सारण-वारण-चोयणमन्नेसिमिच्छिज्जा ॥ २० ॥ सच्चमघट्टियमम्म, सम्मं सइ धम्मकज्जसज्जं च। हियमियमहुरमगव्वं, सव्वं भासेज्ज मइपुव्वं ॥ २१॥ जं लोएँ अपडिकुटुं, विसिट्ठसिटुं जिणागमुद्दिढ़। तं सव्वं चिय उचियं, ससत्तिसरिसं करिज जओ॥ २२॥ चलइ बलं खलइ मणं, जलइ कसायानलो वओ गलइ। निच्चं मच्चू परिकलइ दलइ जीयं टलइ कालो॥ २३॥ तम्हा खणमवि न खमं, विलंबिउं जं च कुसलसामग्गी। सहसत्ति दिट्ठनट्ठा, हरिचंदउरि व्व सव्वावि ॥ २४ ॥ इय नाउमाउयं थेवमेव सज्झं बहुं च धम्मधणं। गुरुलाभमप्पछेयं, सेयं ति करिज जं जोग्गं॥ २५ ॥
इति चतुर्थकुलकम्
१. 'पन्नविज्' इति मू०।
Jain Education International
For Private & Personal Use Only
www.jainelibrary.org
