________________
जिनवल्लभसूरि-ग्रन्थावलि
४३
इय मच्छाइसु सहसारगंत देवा जमेसि तेयतणू।
अंगुलअसंखभागं, भणिया मरणंतसमुघाए ॥ ३॥ किं बहुणा, पायमिह
जीवा अन्नाणंधा, मिच्छत्तमोहिया कुग्गहग्गहिया। मग्गं न नियति न सद्दहति चिटुंति नियउचियं ॥१॥ ता कइया तं सुदिणं, सा सुतिही तं भवे सुनक्खत्तं । जत्थ सुगुरुपरतंतो, चरणभरधुरं धरिस्समहं ॥ २॥ एमाइ परमपसमरसपरिगओऽहिगयपहरिसुक्करिसो।
संवेगरसायणकरमणवरयं झायइ परंपि॥ ३॥ तओ राईए चरमजामे उट्ठेऊण इरियावहियं पडिक्कमिय सक्कत्थएण चेइए वंद्विय पुव्वं व पोत्तिं पेहिय नमुक्कारपुव्वं सामाइयसुत्तं कढिय संदिसाविय सज्झायं कुणइ जाव पडिक्कमणवेला। तओ पुव्वविहिणा पडिक्कमिय पडिलेहणाइयं करेइ।
इय भावओ कुणंतेण सुत्तओ अत्थओ करणओ य। पोसहवयमाणाए, फासियमाराहियं च भवे॥ १॥ तो सययतयब्भासाओ भावओ य रागओ य सो अचिरा।
सव्वचरणंपि पाविय, खविय भवमुवेइ परमपयं॥२॥ जया पुण पोसहं पारिउकामो तया खमासमणदुगेण मुहपोत्तिं पडिलेहिऊण खमासमणदुगेण सामाइयं व पोसहं पारेइ, पुणो मुहपोत्तिपेहणपुव्वं पुव्वं व सामाइयं पारित्ता-"भयवं दसण्णभद्दो" इच्चाइ गाहाओ भणई, उवगरणं च मुंचइ त्ति। इह पुण
अहिगूणखमासमणे, न विरोहो पुत्तिपेहणाईसु।
सामायारिबहुत्ता, उ विणयणयदरिसणाओ य॥१॥ . इत्तो पोसहे पारिए भोयणविही वुच्चइ
सावगेण पोसहं पारितेण नियमा साहूण दाउं पारेयव्वं, अन्नया पुण अनियमो, दाउं वा पारेइ पारिए वा देइ, तम्हा पोसहिएण पुव्वं
Jain Education International
For Private & Personal Use Only
www.jainelibrary.org
