________________
૪૨
पौषधविधिप्रकरणम्
चउद्दसी तो पक्खियं चाउम्मासियं वा, अह न तो देवसियं संवच्छरियं वा, विहिणा पडिक्कमिय विस्सामणाइ साहुकिच्चं किच्चा सज्झायं संदिसाविय तप्परायणो ता अच्छइ जाव पुन्ना पढमपोरिसी। तओ कायगादुवओगं काउं खमासमणदुगपुव्वं मुहपोत्तिं पडिलेहिय खमासमणं दाउं भणइ-इच्छाकारेण संदिसह राईसंथारयं संदिसावेमि, पुणो खमासमणं दाऊण राईसंथारयं ठामि त्ति वुत्तुं सक्कत्थवं कहित्ता संथारगभूमिं गंता मुहणंतगंतेण ससीसोवरियं कायं भूमिं संथारयं च पमज्जित्ता णमुक्कारं सामाइयं च तिक्खुत्तो कड्डित्ता अणुजाणह निसीही नमो खमासमणाणं ति भणिय संथारए ठाइ, बाहुवहाणेण वामपासेण अप्पमत्तो निद्दापमुक्खं कुणइ । जइ उव्वत्तइ तो पमज्जइ। साहुव्व कुक्कुडिदिटुंतेणं हत्थपायाइसंकोयपसारणं कुणइ। सुत्तविउद्धो य सरीरचिंतं काउं इरियावहियं पडिक्कमित्ता जहन्नेण वि गाहातिगसज्झायमणुपेहेइ। असंथरं संथारयं पमज्जिय निवजइ, चित्ते चिंतेई। जहा
जम्मजरामरणजलो, अणाइमं वसणसावयाइन्नो। जीवाण दुक्खहेऊ, कटुं रुद्दो भवसमुद्दो ॥ १॥ कालम्मि अणाईए, जीवाण विचित्तकम्मवसगाणं। तं नत्थि संविहाणं, संभवइ न जमिह भमिराणं॥२॥ चुलसीइजोणिलक्खेसुऽणेगकुलकोडिलक्खगहणेसु। भमिरेण इहावयसंपयाउऽणंताओ पत्ताओ॥ ३॥ पिइमाइपइत्ताई, संबंधा वावहारियजिएहिं।
सव्वे सव्वेहिं सया अणंतखुत्तो इहं पत्ता॥ ४॥ तहाहि
रागोरगगरलभरो, तरलइ चित्तं तवेइ दोसग्गी। कुणइ अणुचियपवित्तिं महामईणंपि हा!! मोहो॥१॥ पुरिसेण भुत्तपुव्वं, नारिं दट्टण अच्चुयंतसुरा। तक्ख णसेवी जायइ, ह हा!! तहिं चेव नरबीए॥२॥
Jain Education International
For Private & Personal Use Only
www.jainelibrary.org
