________________
जिनवल्लभसूरि-ग्रन्थावलि
साहणजुत्ता थीदेवया व विज्जा विवज्जए मंतो। अंतद्धाणाइफला, चुन्ना नयणंजणाईया॥ ७३ ॥ सोहग्गदोहग्गकरा पायपलेवाइणो य इह जोगा। पिण्डट्ठमिमे दुट्ठा, जईण सुयवासियमईणं ॥ ७४ ।। मंगलमूलीण्हवणाइ गब्भवीवाह करणघायाई। भववणमूलं कम्मति मूलकम्मं महापावं ॥ ७५ ।। इय वुत्ता सुत्ताओ, बत्तीस गवेसणेसणादोसा। गहणेसणदोसे दस, लेसेण भणामि ते य इमे ॥ ७६॥ संकियमक्खियनिक्खित्तपिहियसाहरियदायगुम्मीसे। अपरिणयलित्तछड्डिय, एसणदोसा दस हवंति ॥ ७७॥ संकियगहणे भोगे, चउभंगो तत्थ दुचरिमा सुद्धा। जं संकइ तं पावइ, दोसं सेसेसु कम्माई ॥ ७८॥ सच्चित्ताचित्तमक्खियं दुहा तत्थ भूदगवणेहिं । तिविहं पढमं बीयं, गरहियइयरेहिं दुविहं तु ॥ ७९ ॥ संसत्तअचित्तेहिं२, लोगागमगरहिएहि य जईणं । सुक्कोऽल्लसचित्तेहि य, करमत्तं मक्खियमकप्पं ॥ ८० ॥ पुढविदगअगणिपवणे, परित्तऽणंते वणे तसेसुं च। निक्खित्तमचित्तं पि हु, अणंतरपरंपरमगिज्झं ॥ ८१॥ सचित्ताचित्तपिहिए, चउभंगो तत्थ दुट्ठमाइतिगं । गुरुलहुचहुभंगिल्ले, चरिमे वि दुचरिमगा सुद्धा ॥ ८२ ॥ खवियन्नत्थमजुग्गं, मत्ताओ तेण देइ साहरियं । तत्थ सचित्ताचित्ते, चउभंगो कप्पइ उ चरिमे ॥ ८३॥ तत्थ वि य थोवबहुपय-चउभंगो पढमतइयगाइण्णा। जइ तं थोवाहारं, मत्तगमुक्खिविय वियरिज्जा ॥ ८४॥
१. 'य' इति पु० बी० सी०।
२. 'अचितेहि य' पु० बी० ।
Jain Education International
For Private & Personal Use Only
www.jainelibrary.org
