________________
सालिभद्द संघि हार हीरंक-माणिक्क-चक्कंकिआ तेसिमंतेसु लंबूसगा संचिया धवलिया भवण-भित्ती सुचित्तकिया दिन्न सुपसत्थ कत्थूरिया-हत्थया ४ चग-नवरंग-रंगावली सज्जिया तदुवरिं रइय रयणावली-सत्थिया मल्लिया-मालई-माल उम्मालिया रंभ-खभावली उब्भडा उब्भिया पइ-दुवारं पि निप्पट्ट-पट्टकिया सार-साहार-कंदल-दलालंकिया राउलाओ नियं जाव गेह तओ . रायमग्गो समागो वि चंगो कओ ८ नेत्तवहिं पट्टउय-पट्टेहिं सो छाइओ छडिय-घुसिणंबुणा सव्वसो तो महीनाहु सव्वेहि सह चल्लिओ चेल्लणाईहिं हरिसेण संपेल्लिओ १०
पत्ता अह हस्थिहिं चरियउ जण-संघडियउ सेणिउ अंतेउर-सचिवु पेरणिय-निरंतर
पाउल-परिगरु सालिभद्द-घरि पत्तु निवु ।।११
सालिभद्द-जणणीए जणुत्तमु - सेणियराउ तिविक्कम-विक्कमु सरसु सिणिद्ध सुसिद्ध सलोणउ भुंजाविउ किर किंपि न खूणउ २ तयणंतर तंबोल अखंडिहिं । तीए दिन्नु नव-नागर-खंडिहिं मरगय-मोत्तिय-माणिक-हीरिहिं ढोइउ ढोयणीउ वर-चीरिहिं अह" पभणेइ नरिंदु न दीसइ सालिभद्दु सद्देसु महासइ अच्छउ अहब सोक्खि सई उट्ठहुँ कहिं कहिं अच्छइ' जाइवि भेट्टहु ६ तो सा पासि पहुत्ती पुत्तहि चडिय गिहोवरि भूमिहि सत्तहि भणइ गिहागउ सेणिउ अच्छा एहि वच्छ तलभूमिहिं निच्छइ ८ भणइ सालि सेणिउ जं' कियाणउं माइ मोल्लु तसु किंपि न जाणउं तुहु जि लेसि' सुमहग्घु महग्घउ करउं किमाविउ हेट्टइं सिघउं १० भणइ भद्द सेणिउ न कियाणउं किंतु तुज्झ पहु मगहा-राणउ ता उत्तरिवि वच्छ जोहारहि टलइ न सज्जणु जण-ववहारहि १२
घत्ता सो एउ निसामिउ अम्ह वि सामिउ अवरु कोइ इय दुम्मणउ घर-तलि आवेविणु वरु ढोएविणु ढोयणीउ पाइहिं पणउ ॥१३
1. L सस्थिया 2. P दलालीकया 3. L सेविउ 4. P सिणिटूटु सुणिटूट 5. L कूणउ 6. L आ 7. L अच्छहिं 8. P ज 9. L लेसु 10. L जोहारिहि 11. L छलइ
Jain Education International
For Private & Personal Use Only
www.jainelibrary.org
