________________
२७२
वसुदेवहिंडो-मज्झिमखंड धम्म चेव ण पेच्छामि । तेहिं भणियं--पेच्छ भो । अम्हे ताव अच्चंतं पत्त-पुप्फफा-कंद-मूल-पवालंकुर-पणियाहारा वण-वास-निलया बंभचारिणो अहिंसगा य । किह भणसि साहु-वगं मोत्तणं अण्णाथ धम्म ण पेच्छामि ? त्ति । मया भणियं -:
काम-कोहे अणिज्जेउं किमरपणे करिस्सह । मह भे णिज्जिया एए किमरपणे करिस्सह ॥
अण्णं च सुणह, जइ पत्त-पुप्फ-फलाइयाण य कयाहाराणं धम्मो होइ, तो ग(वि)विहाणं तिरिय-मय-पक्खि-सि(?स)रीप्सिवाणं सवर-पुलिंदाण य किण्ण होइ धम्मो ?
तेहिं भणियं-किं अम्हे णेसी(सिं) सरिस-चरिया ? मया भणिया--भो । सुण समासेणं । दुविहो जीव-गणो, तं जहा--तसा थावरा य । तत्थ पुणो सम्व जीवा वि दुविहा-- सुहुमा बायरा य । तत्थ केइ मणुआ सुहुम-घायगा, केइ बायरघायबा, केइ उभय-घायया, केइ उभयो अघायया । तत्थ सवारंभ-णियत्तीमो उभयो वि अघायया साहुणो भगवंतो, जेण सुउवएसेण परिसुद्धं दीह-सामण्ण हेड केवलं उंछं उवजीवंति । अवि सुणिज्जइ लोइय-सुईसु वि जहा--किर पुन्व-रिसीम जमो पुच्छिमओ
कि होज्ज परम-सेयं ? किं वा परमो तवो । उववास-परं किं वा ! किं वा दाणाण अहियं ! ति ।। जमेण पडिभणियं-- एगवखरं परं बंभ पाणायाम(! मो) परं तवो । उववास(सो) परं भिक्खा दाणाण य अभय-दाणं ति ॥
उभय-घायगा पुण तत्थ दिट्ठा महारंभ-परिग्गहा रायाणो य, केवट-लुद्धया इस्थितावसाइणो अण्णे य बहवो संति । सुहुम-घायया पुण तुम्भे, कारणेण पउदा बायर-घायया वि, जेण कुंथुद्देहिय-घुण-भमर-सरडाईणं अण्णेसिं च बहूर्ण इंधणबयाणं अग्गिं जालेमाणा, संपाइमाण य सत्ताणं खयंकरा तुम्भे, अणुवमोगगमणेण य पहे पूअरगाईण य जले बायर-घायका अहव । तत्थ बायर-घाई एगदिवारेणं एक्कं वा दो वा जाव संखेजा वा घादेज्ज । पुहुम-धायया पुण 'खणे
१. पाणिदाहारा मो० ॥ २ खणेण अणत मो० ॥
Jain Education International
For Private & Personal Use Only
www.jainelibrary.org
