Page Text
________________
अट्ठारसमो अवंतिवद्धणा- लंभो
अह य पभायाए रयणीए उदिय-दिणकर - किरणाए बेलाए सइरं अवइण्णो इं गिरि - सिहराओ । ताव य जुवईए कलुण - रसिय-सद सुणेमि । तमो भणिया मया - भेतव्यं ति । एवं जंपमाणो पहाविओ मि तं पएसं । णवरं च तत्थ पेच्छामि मुद्ध-कण्णगं । तीय य सगासाओ उद्धाइओ रक्खसो । [ सो] य ममं []निठुररसणो भणइ - अरे ! 'अणुकंपिय दुरायार माणुस ! दिष्णो ताव तुमे एयाए अभयो, तुह पुण मया पहयस्स इयाण को दाहिइ अभयं ? ति । एवं भणंतेणं संमाहओ हं वज्जसारेण मुट्ठिणा सिरे । तेण य पहारेण अहं निम्मिल्लाविओ स्वर्ण लोयणाईं । ममं च तहागयं पेच्छमाणी सुदुयरं आरसिड पयत्ता सा कण्णगा । मया तहागरण विभणिया — भदे ! मा भायसु ति समासासिया । सो य पुणो पहरमाणो मया वीरियं अवलंबिऊणं पुव्वतरायं आलीढ - द्वाण-ट्ठिएणं पहओ मुट्ठीय सिर- बंधणे । तो सो वैज्ज - निहादाहओ इव अंजण- गिरी घस त्ति धरणी-तके पडिभो, सुचिरेण य आसंत्थो । आसत्थ- मेत्तो य मुम्मुर - [सरि ] सो दुयमदंसणं गओ । तेण य अम्हं जुद्ध-संरंभ-सहेणं आगया तत्थ वण-विवराओ बहवे तावसकुमारगा । ते य मे पुच्छिया के दूरे मे आसमपर्यं ? ति । तेहिं भणियं -- एस इह व्यदूरे व्यम्ह आसमो । आगच्छह वच्चामो, "पेच्छ[ह] णं ति । तभो तेहिं सह ओ [] आसमपयं सह तीय कण्णगाए । अल्होणो य मि तत्थ कासवस्स कुलवणो | तेण य मे सागयं दिण्णं । ण य पुण मया तस्स अभिवायणं कदं । निसण्णो अमि तस्स समीवे सीयलाए साल-पायव - च्छायाए । चलणच्छि-वियारेसु य चिरेण मुणियं तेहिं जह - एस न देवो, माणुसो त्ति । तओ लद्ध-विसेसा भणंति - किं भो सुरवर - सरिस - बोंदी-घर ! अईव तुमं केण वि मएण गव्विओ, जयो रिसीणं अभिवायणं पि न कए (?) ते (ति) । मया परिहसंतेण भणियं - नाहं केण वि मरण तुम्भं [न] नमामि । अहं खु समणोवासभ अभिगय-जीवाजीवो उवळद्ध-पुण्ण-पावासव-संवर- णिज्जरा मोक्ख किरिया - विविह-कम्म-कुसलो । नाहं साहुवग्गं सावयं वा मोत्तूर्णं अण्णस्स घम्म-सद्धाए पणामं करेमि अण्णत्थेहिक (?) संवैघेण वत्ति । तेहि मणियं किं कारणं ? ति । मया भणिया -- जेण अण्णत्थ
T
१. आणु० ख० विना ॥ २ सानासारिया खं० विना ॥ ३. अलीढ खं० मो० ॥ ४. विज्जनिहावाहओ खं० मो० विना ॥ ५. मुम्मुरुसो खँ० मा० ॥ ६. पच्छा णं ति मो० ॥ ७. लद्धि मा० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |