Page Text
________________
पण्णरसमो कणगवई-लंभो
२५५ पागं मास-हिदयं च सिक्खिता । ण य णाम अहं तव भत्ता भवामि । तीय भणिदं-छिवाहि ता मे हत्थेणं करतलंगुलेसु । तेण य छित्ता । पुलइतं च से गत्तं । दाहिण-पवणाहदा इव णलिणी जघा अतीव विराइता दिट्ठा य सा जालंतराव. लोयणा परियणेणं । भणिदं च सघग्घरुक्कंठ-भरित-कंठाए दमदतीए--सामि ! तुमं मम भत्ता । अंगाणि मे कषयंति । कीस मे अवलवसि ? सो य णाहं तव भत्तारो त्ति जंपमाणो तरितं विणिग्गदो से पासादो । सा य हा सामि ! दुक्ख. लद्धय मा मे विमाणेहि ति बती मोहं उवगदा सुतणु ।
ततो कुलुकुलावितं अंते उरेसु । अद्दण्णं रायकुलं । णलो विय देवी मोहमु. वागत त्ति सोदूण तक्खणं चेव सूवकार-सालं पविट्ठा । तत्थ य तेण विहाडिदो देवदिण्णो स्यण-करंडो । तत्थ य दिवाई तेण दिव्य-संघादाई मऊड-कडग-के युर-हारकुंडलादीयाई आभरणाइं । ताणि य स्खणेण पिणिधिदूणं ताधे य णेण तं पिफो (पम्फो)डितं बिल्लं । तत्थ दिव्व (ढ) देव-दूस-जुवलं । त च परिभिद तेण, णवर च तक्खण चेव वेउब्धिय-सुरवरो व्व दिव्व-रूवी जादो साभाविय-सरीरो य । दिवाणुभावेण सविसेस-रूवो इव राया णलो विणिग्गदो य सूवकार-सालादो । दिदो य सो दोसु वि राई(ए)सु अंतेउरेसु में माणंद-बाह-णिभर-णयणेषु पञ्चक्ख-वम्मघो इव कुसुम वाण-विग्ग-(?गय)-हत्थो । गदो य तदवत्थाए देवीए समीवं । दंसितो य से तेण अप्पा-एस अहं पिए ! पेच्छसु म णलो त्ति । तदो सा रुममाणी चेव पडिता से पादेसु । तेण पियं भणतेण धणितं अवतासिता, परिसंठिदा य कम्मोदय-वत्थुसंदीवएहिं सिलोगेहिं य धोरीकदा धरिता रु प्रमाणी । अवि य,
पुत्र-कद-असुभ कम्मो पुरिसो असुभस्स उब्बियंतो वि । णिवडति विसम-खलिदो कलि-कलह-किलेस-कालम्मि ॥ असुए(भे)ण कदं असुयं(भ) अयसो व यसो व पायडो होति । तत्थ णिभंचिय(?) कत्ता पुन्व-कदोदीरितं तं सो ॥ लंधिज्जत मइंदा मत्त-गइंदा य आगदा समुहं ।
लंधेदूण ण तोरति कतंत-मति-णिम्मिदा लोहा ॥
एवमादिसु ववत्थाविता । आणता य विदब्भाधिवेणं णगरे अकाल-कोमुदी। पडिदो य सो राया रिवण्णो णलस्त पादेहिं, भणदि य--देव ! मरिसिजतु जं सि मया अयाणंतेण णोय स्थाणेसु कम्मावितो त्ति । णलेण य उद्वे, भणिदो
१. परिसंतिदा मो• विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |