Page Text
________________
२५४
वसुदेवहिंडो-मज्झिमखंडे मज करेदु मादिच्चपागं । पेच्छामो ताव केरिस पि एसो करेति त्ति । ततो तेण आणत्तो हुडिओ-कुणध मादिच्चपागं ति । तेण य समसं इतरं च सविसेस सज्जितं भोयणं सूरपागं तु । भोयण-वेलाए य महासणस्थाणं मुंजणुज्जदाणं अणुरूव-भायणेसु परिविप्तति हुडिओ। जेमेतुं च पयत्तो भीमरधो सह रिदुवण्णेणं । आसादिदम्मि य भोयणे सुक्का(मुक्क)-भोयणो परुदितो राया भीमरधो। भणिदं च णेण-अहो ! अविसेसिदो अणुहरति एस सादो मम जामादुअ-कप्पितस्स आदिच्चपागोदणस्स ।
ततो पुणरवि सलिल-पम जिद-वदणो कहंचि जेमावितो राया । विसज्जिदा य दवदंतीए अम्म-धाती पिदुणो सगासं -तात ! विसज्जेध मे एत्तो आदिच्चपागोदणातो सि विसेस-जाणणत्थाए । तेण य सवाहारातो 'विविधं पभूतं च पेसितं तीय अंतेपुराण य । ततो तं मसिदं दमदंतोए । गदो(दा) य से(४सा) पिया-पास । भणिदो य तीए-तात ! णिस्संसयं खु भत्तार-विहितं मे एदं आदिच्चपाग ति। तेण य भणिदा.-पुत्तय ! सो ते भत्ता दिव्वरूवी, देवाण वि विम्हयकरो रूवेणं, किमंग पुण पयति-माणुस.गं ? सो य कणगावदातो, इमो य अति-फरुस कसिण. वण्णो हुंड-विहुंडो काणो य । णणु एदं विरुज्झति जण-हासयं च । तीय भणिदंगूणं असुभ-कम्मोदएण से सरोर-वेगल्लं वण्ण-पश्यित्तो य जातो। एस पुण णीसंसयं सो त्ति। तेण भणदं-पुत्त ! कधं जाणसि ! तीय भणिदं-तात !
जाणदि सुअंधयारे वि वच्छो मातरं अभिपडतो ।
दइतं च मुणति हिदयं पेम्मं जाणंति णयणाई ॥ एक्कं ताव एदं । बिदियं च परिमाणिज्जदु एसो । मोत्तु तुह जामादुगं एक्कं ण वि मे अण्णेण छिक्काए वि अंगं रोमंचिजति । ततो सदाविज्जतु ताव एसो । भलं वितस्काए । पुच्छामि ताव किंचि वयणयं ।
ततो सहावितो राइणा, उवद्वितो य कत-प्पणामो राइणो । तेण भणितं - देवी ते दमदंती किंचि पुच्छति ति । एवं भाणिदु विणिग्गदो राया । सा य घग्घर-कंठा तं भणति-सुपुरिस ! सरिसाणि हु ते मम पियदमस्स चरिताई। तं जति सि तुमं केणइ कम्मोदय-दोसेणं एतं वे(दं)गल्लतं उवगदो, तघ वि तुम मम देह(१३)तं चेव । (देव दे ताव सम्भदं कधध, को सि तुमं ! विसुरति मे समागम-कंखिदं हिदयं । तेण भणिदं -देवि ! अहं तव भत्तणो सगासे आदिच्च
१. सममं ख• विना ॥ २. पिसप्पिध खे० ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |