________________
पण्णरसमो कणगवई-लंभो
२३३ वियाहो मे । परं च विम्हयं गदा मे सुहिणो। वित्त-वारेज्ज-मंडलाए य कणगवतीए दिण्णा आभरण-वसण-णिज्जोग-विधी समत्ता वेसमण-वधूहि । मंडला वसाणे य ठवितो हं 'लटे उवट्ठाणे । तत्थ य उस्सारिते जणपदे धणदो पवरासणत्थो ममं विणयोवगदं भणदि-कुमार ! सुण ताव ममेहागमणं सोसंतं (ति] । मया य विरइतंजलि-पुडेण सप्पणामं भणिदो-माणवेध त्ति । सो तदो सणीयं मम परिकधेति, जधा--
अत्थि इधेव भरधे एस इदो अणंतरं कोसला णाम जणवदो, कोसला चेव पुरी खाता महि मंडले, जत्तोहिंतो तुम्भे इधमागदा । तत्थ य आसि पुरा पुरंदर-विक्कमो रिवु-विमदो णिसढो णाम णरवती । तस्स चंदसेणाए देवीए दो पुत्ता,णलो कुब्बरो य । ताण य जेट्ठो णलो, सो पुण तदा सयले मणुय-लोगे अच्छेरय भूदो रूवेणं विग्गहमंतो अणंगो त्ति लोगेण परिकप्पितो।
तम्मि य काले विदब्भा-जणवदे कुंडिणपुरीए णगरीए राया भीमरधो णाम | तस्स पुष्पदंतीए देवीए दुहिता दमदंती णाम कण्णगा रूव-गुणेसु विक्खाता दुधं दाहिणड्ढ-भरघे जहा संपदं कणगवती । सा य पिदुणा सयंवरा मुक्का । तीय य पुधवि-परिंदेसु सयंवर-णिमित्तं समागदेसु तत्थ णलो वरितो । वत्ते य पाणिग्गहणे महदा विभूतीय णोता णलेण कोसलं दमदंती । जादा य से जीविदादो वि पियतरी ।
__ अण्णदा य णिसढो राया जलस्स रज्जं दादूण कुव्वरस्स जुयरायत्तं, तदो भद्दयसाणं थेराणं आतए पव्वइतो , गहिद-सुनोवदेसो य संविग्गो विहरति । णली य अड्ढ-भरध-विक्खातो अणण्णसम-कोस-बलतेउर-वाहणो राया जादो। ण सहदि य से सिरिं भाता कुव्वरो, पयदीओ मेदिदं पयत्तो । ण य से पयदीमो भेदं गच्छति । णळस्स य रण्णो जूदे वसणं । भादरेण] य से कुदो वि तष्णिमित्त अक्ख-हिदय-मंतो अधिज्जिदो, [भणिदो] य तेण णलो-राय ! खेलसि मया सह जूदेणं ति । सो य बाढमिति भणदुं पखेलितो जुतेणं । ण य णाम णलो अक्व-हिदयं जाणदि, जाणदि य परं आदिच्चपागं अणळपाकं च सूव-सत्थाई । तेसिं च तत्थ दति-सदेण पढमो परिणिद्वितो पाडो । तत्थ अक्ख-हिदय-मंत-प्पभावेणं कुव्वरेणं णलो जिदो । ताधे दंति-सहस्सेणं पाडिदा मक्खा, तत्थ वि जितो
१. सुहे उवद्दाणे ख०मो विना ॥ २. पाटमिति खं० मो० ॥
३० Jain Education International
For Private & Personal Use Only
www.jainelibrary.org
