Page Text
________________
२३२
वसुदेवहिंडो मज्झिम-खंडे दिट्टी पसीयदि । एवं बितिय-ततिए वारे भूयो भूयो वि कद-वेसमण-प्पणामा ण किं. (क)चि तहिं वरेति । सम्बतो य भमंती परम-विलिता रंगसागरं समभिलोएंती सहसा विसादं उवगदा । चितेमि य-किण्णु एसा कंचि हिद-इच्छिदं पुरिसं ण बरेति ? णिदा य सा किड्डावियाए----सुतणु ! किं विलंबसि ? वरेहि जो ते हिद-इच्छिदो वरो । मति-विलंबणाए दोसो । खणेण खुन्भेज्जद तह स्वमदण-मोहिदो इमो रंगसोगरो,[मा] होज्जदुते एत्थ काइ अयसस्सता कुलस्स विउलस्स । तीय एव भणिदा समाणी किंपि विलिता इव ठिता अधोमुही, पादंगुद्रेण घट्टयंती महीतलं हिदय-समुप्पण्ण-वेमणस्सा सइरं परुदिता णीसइंसुपातेहि । एतम्मि देस-काले विष्णवितो वेसमणो मासण्ण-ठिताए एक्कीय मच्छराएदेव ! मा मे मणुय-भवंतरितं पिय-सहिं विसुरावेध । भलं परिहासेणं । दंसिज्जदु से मणोभिलसितो भत्तारो। तदो चंदुजोवतिरेय-पहसित-दसण-प्पभा-कदुज्जोवेण भणिदो हं धणदेणं-कुमार ! अवणेहि ताव हत्थातो कुबेरकंतं मुई ति । ततो मया अवणे, मुद्दा ठविता मंसुमंत-हत्थे ।
एदम्मि देस-काले पुणरवि अवलोकयंतीए संपाडिता ममोवरि दिदी, वियसितं च से मम दरिसणे बाल-रवि-किरण-समाहतं पिव सरद-पंकयं जघा वदणपंकय तीय, भारूढा य सा जण-सदेसु पेच्छिज्जमाणी मम सगासं, सहरिसारूढा य तरितं तीय मम गलए कुसुममाला । एतम्मि देस-काले महतो जण-कलकलपरितुटुक्कद्वि-साधुक्कार-सद्दसु भरिदं पिव णभ-तलं-- अहो ! सुवरितं सुवरित ति। जमय-समयं च वेसमणाणत्तीए पहताई परम-गंभीराइं सुतुराई, पगीतामो य सुरवधूमो, भणति य [जणो समंततो जहा--- अहो ! रूवाणुरूवं भत्तारं उवगता कणगवती। मभित्थुतो धणदेण राया हरिचंदो-धण्णो सि रायं ! जं ते जगप्पधाण-पुरिसं पति पति उवगदा सुता । राइणा पणदेण भाणतं-देव ! तुह पसादेणं ति ।
ततो वेसमण-वधूसु अण्णमयं सयमेव साधिता अणात-परमत्था कणगवती महं च । धणदाणत्तीय गुज्झगेहिं विउव्विदा य जण-णयण-विम्हय-करी चातुरंतयवेदी, हुतो य हुतासणो, कणगवदि-कुलायरि एहिं पक्वित्ताओ लायंजलीमो, सरवधू-गीत-वाइत-रवेण य गाहितो हं रण्णा धणद-जलि(णि)तब्भुतातिसयो कणगवदीप पाणिं । अमोह-दरिसितेण य जधा-मिलित-जणवदस्सुवरि वरिसाविता वसुधार(रा) धणदेण गुज्झगा(गेहिं)। जातो य मो मणुय-लोगच्छेरयमतो
१. हुग्ध हु मो. ॥ २. रसिद मो०॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |