Page Text
________________
पण्णरसमो कणगवई - लंभो
एवं वच्चति केइ दिवसा । अण्णदा य अहं हम्मिय-तलए सुकोसला - सहितो सुरद - वायाम- किलंतो सुह-प्पसुत्तो, केर्णाव 'संवाहिज्ज माण- चलणो विबुद्धो हं । चिंतेमि य - अणणुभूद पुग्यो कस्स मण्णे एस हत्थ मा ( फा ) सो ? कढिणघणंगले पीण - गहणदाए य मे विष्णादै पुरिसस्स एस पाणि- फासोति । को पुण एस एरिसाए वेलाए इघमागओ ! एवं चितयंतेण उम्मीलिद णि मे णयणाईं । दिट्ठो य मया चंद- किरण - आभरण-रयण- पभा-पकासिद - देहो पुरिसो । पच्चभिजाणितो य मे चंडादव - विज्जाघरो । तेण मे कदो पणामो । ततो हं सुकोसलाए संकंतो सणोयं उट्ठेदुं पयत्तो । तेण य भणिदं - सामि ! वीसत्था उट्ठेध, ण देवी चेदेदि, ओसाविदा एसा । तदो हं उट्ठदो सयणिज्जादो । पुणरवि य पणमंतो उवगूढो मया हु (! भु) या-लदासु । ठिदा य मो एगंते । तत्थ अहं, सणिहिदाए पैरक्क (? फरक ) - पेढियाए सिणो । सो य पणाम- पुव्वं भणदि - अज्जपुत्त ! ससुरो भे पभंजणो सरीर वट्टमाणि पुच्छदि । मया य गुरु-भावेणं तदो अंजली पेसिदा । पुच्छिदो य मे सो-सोम्म ! किंचि कुसली राया पभंजणो ? ति । तेण भणिदं णिच्चमवि कुसली तुह पसादेणं ति । किंतु भणिदो आसि वायुरघेणं विष्णाद- कारणेणं, तात ! कि पुर्ण कदो वि विरया ण दीसति ! त्ति । पभंजणेण भणिदं विदिद तं तुह विज्जा बलेणं कत्थ विरयत्ति । तेण भणिदं सव्वं खु एदं मम विदिदं, एदेण चैव कारणेण पुच्छामि । जुत्तं तुमे मम सत्तस्स कण्णगं दादु ? ति । पभंजणेण भणिदं - तुमे पुण कीस सत्तणो भगिणी अणिळजसा दिण्णा ? वायुरघेण भणिदं -तीय सयमेव सो पडिवण्णो । पभंजणेण भणिदं - - जध तुह भगिणीए सयमेव पडिवण्णो तध 'चेव विरयाए वि । एवं भणिते तुण्डिक्को ठिदो । अम्हेसु य विदिद" - कारणेसु तुब्भं सगासादो पडिगदेसु ससुररस ते अप्पा पभंजणस्स तुह सेवणा- णिमित्तं णिवेदिदो । ललिदवेगा य देवी सीदा इव महा-नदी सागरं पिव तुमं समल्लीणा, सा वि सोमदेणं ( ! ) ति । तदो मया भणिदो - सोम्म ! जाणसि कत्थ संपदं देवी ललिदवेगा ? तेण भणिदं - जाणामि, भरदायालए भगिणीणं मिलिदा धुवं । ताधे मया भणिदं - सोम्म ! मया लळिदा-रज्जं जेदु पभंजणस्स दादव्वं, तस्स य तुमं परं पमाणं होहिसि । तं एस परमत्थो से
१. संधाविज्जमाण खं० मो० विना ॥ २. हत्थामासो मो० विना ॥ ३. दिट्ठो य मे खं० मो० विना ॥ ४. परक्कम - पे० खं० विना ॥ ५. विविध खं० विना ||
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |