________________
चउद्दसमो हरिकंता-लंभो एवं परिहसंता कमेण पत्ता मो कोसलं, मिवेदिदं च 'पुन्वदरायं रण्णो कोसळस्स । तेण य 'परम-तुठेणं णगरे अकाल कोमुदी आणत्ता, संतेपुरो य मम अग्घेण णिग्गदो । महदा य विभूदीए पवेसितो हं णगरिं, जण-सदेसु थुन्धमाणो । णरपदि-भवणं अवतरिदृण य तुरंगादो पविट्ठो हं णिययंतेउरं । दिवाओ य मे तिण्णि वि पियायो । पियंतीयो इव ममं णयण-कमलंजलीसु, दुव्विसह-पिय विरहदुक्खिदाओ तक्खण-समासत्थ-हरिसिद-मुहीओ पणदाओ ममं । मया य अणुपरिवाडीए तिण्णि वि अवतासिताओ, सुहं च पुच्छिदाओ। एवं दंसण-मेत्तेण तामओ अभिप्पसादेदु, तासु चेव सहिदो सुरवधु-सहिदो इव नलकुब्बरो रमिदो हं जधासुहं । सुतं च ताहि जध मया तत्थ अरण्ण-मज्झे तिण्णि विज्जाधरीओ परिणीदामो। तं च सोदूण भणिदं इंदसेणाए-अज्जपुत्त ! सुणिदो सि मया जध तुमं दिण्ण-संकेदो विउजाधरेसु अस्सावहार-ववदेसेणं कण्णा-विआहे-कज्जे अडविं पविद्रो सि । तं कीस तुमं एत्थ वीभेसि, जतो ते अम्हे चित्त-दुक्खिदामओ कया? इध चेव ते आणावे, किण्ण वीवाहिदाओ ? त्ति । तदो लक्षणाए भणिदं-जति ते अम्हं उवरिं अण्णासि पि.संगहो कदो, तदो अम्हं पासग्गय पि ताव संपदं देध त्ति । सुकोसलाए भणिद-होदु हळा ! मा अज्जपुत्तं बाधप्नु । एदं चिय एदस्स पासादो पासग्गयं जं एसो ताओ णववधूओ मोत्तुं अम्ह सगासमल्लीणो ।
तदो हं तामओ ईसा-वस-पणय-कुपिदाओ अभिप्पसादेदु ताहिं सहिदो जधामुहं मभिरमे ।
इति धम्मसेण-गणि-महत्तर-कयाए वसुदेव-हिंडीए चउद्दसमो हरिकंता-लंभो णाम परिच्छेओ समत्तो ।
१. पुव्वदराई ख० मो०विना ॥ २. परितुटेण मो० ॥ ३. सहेसु मुव्यमाणो खं. मो० विना ॥ ४. अवदिद्ण ख० मो० ॥ ५. कण्णावहार खं० मो० विना ॥
६. कधाओ इध विव ते ख० मो. विना ।। Jain Education International For Private & Personal Use Only
www.jainelibrary.org
