Page Text
________________
इसिदत्ता-कहां ततो पुणो वि अण्ण-रादीए अण्णो वि मारिदो। तधेव कादं गदा पावा । 'चेतितं च रायपुत्तेणमुट्ठितेण। पुणो भणिदा गाढ-सिणेहाणुराग-पडिबद्धेण इसिदत्ता
ओ पिए ! दे ताव सब्भावं मे परिकधेहि । मा इमं एरिसं करेहि अमाणुस-जोग्गं कम्मं । दे ताव जणय-जंपणस्स बीमे ह । कामं जति माणुस-मंसेण विणा ण संथरप्ति ततो ते अहं पच्छण्णं दिणे [दिणे अण्णदो हंतूण माणुसं आणावेमि । उवसम अंतेवासि-जणातो । भिच्च-जणस्त संति करेहि । अम्हे वि ते बीमेमि । तं उवसम । मा ते अयसो पसरतु त्ति । ततो परम-दुक्खिदा रुपमाणी भणतिपिययम ! णाहं एदस्स कम्मस्स कारिणो । कामं मे ण पत्तियध ततो मे दुक्खतकम्माए सीसं छिंदधेत्ति । ताधे तेण पुणो पच्छादिता ।
___ एवं सा परिवाइया अणिविण्णा दिणे दिणे विसिवाई भड-भोइयाई णगर-पधाणे य पुरिसे धाते, आणेदुं मंस-रुधिराइं तधेव करेदि । पच्छादेति य जत्रोणं कणगरधो। रण्णा य विन्नाविदेणं मेलिदा मंतिणो सव्व पयदीमो य । भणिदा य मंतिणो-लभध भो! लहुं एदं माणुसरूवं रक्खसं, जो से पुक्खलं मज्जादं करेमि । ततो मंतीसु भणिदं-राय ! सव्वे ता एत्थं केइ कुपासंडिणो ते णिच्छुभंत(ति) णगरादो जति ताव तधा संती अविस्सदि । ततो सुंदरं अध ण होहिति,ततो अण्णं उवायं काहामो।जप्पभिदिं एस पुरिस-वधो पयट्टो तप्पभिदि पासंड-वज्जो ण मण्णो एत्थ को वि अपुल्वो पविट्ठो। तं गूणं पासंड-जणिदं एवं ति । ततो राइणा साधुमण-वग्जा
माभूदा सव्व पासंडिणो, भणिदा य-भो ! णिग्गच्छध सव्वे वि मम णगरातो। को दोसो त्ति णगर-पउर-जणपदो मे केण वि रक्खसेणं खज्जदि । सो य ण विणा पासंड-प्पयोगेणं । एस णे मंति-जणस्स बुद्धी । तदो एदाए रक्खस-संकाए णिच्छुब्भधेति ।
एत्थंतरे उद्विदा सा धुत्त-परिवाइया, भणदि य रायं-मा अमंगलाई करेहि । ण वति पासंडिणो णिच्छुभिदुं । अहं ते रक्तसिं आइक्खामि जीय लोगो खज्जति त्ति । तेण य अणुव्हतेण भणिदा-मज्जे ! कधय, पत्तियामि तुब्भं धम्म-द्विदाए । तीय उस्तारे, रण्णो एगागिसा कधिदं-जप्प (!)-देवदाए भणिदा हं अज्जमुन्बोघितं, 'मजे ! अग्नं चिय पभाद-मेत्ते राया पासंडाइं रक्खस-संकाए णिच्छुभोहिति । तत्थ तुमं एदं रण्णो कधेज्जासि जा एस कणगरघेणं अरण्णादो तावसरूविस्स रक्वसस्स सुदा परिणेदु इधाणिदा, एसा ते सुण्हा पच्छण्ण-रक्खसी
१. चरितं ख• विना ॥ २. चित्तावदेणं मो० विना ॥ ३. अभूदा खं० मो विना ॥ ४. वच्छ मो० विना ।।
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |