Page Text
________________
पढमो पभावइलंभो
७३ ययण-खित्तं' निकाउं इहागया है। चिंतेमि य-एत्थ भट्ठासु वि विज्जासु अज्जपुत्तसहिया पज्जत्त-कप्पदुम-पभव-पउर-परिभोगा सुहं पविहरीहं । एवं जाणंतीए इमं सुरलोगाणुभावं पएसं आणिओ सि । 'णायं च विना-भंस-कारणं तुह विप्पियं होहिइ' त्ति जाणंतीए वि ते ण कहियं । जा इण्हि च ते भणियं-पिए ! उप्पयाहि ताव ममं घेत्तुं, आरुहाहि सिद्धायतण-कूडे चेइयाइं वंदेमो त्ति । तओ मे भट्ठविज्जाए सिहर-वरं तुह मुहं च इच्छायं अवलोएउं उप्पइउं अचयंतीए 'तुह मणोरहो ण पूरिओ' त्ति मे तओ रुन्नं, ण 'विज्जा-भंसो' त्ति काउं, ण वि य गुरूणं संभरंतोए । अवि य-ण वि तह मे सत्तवे उ(संतावओ) जणियओ विणास-दुकएण जह मियावालिययं(१) पइणस्स(पणइस्स) पणएण खलंतयम्मि । तं एस परमत्थो-तुमं उवसग्गाओ मोययंतीए विज्जा-भंसो वि मे सफलो, ण मे भट्ठासु वि विज्ञासु अद्वितो अस्थि । एयं पुण रोत्तचय-कारणं ति । एयं च ममं पमाय-जणिय सत्तु-गहणावराह मे खमह । -त्ति जंपमाणो पडिया मे पाएसु ।।
तओ मया आलिंगेऊणं भुया-उदासु पीति-वियसंत-णयणेणं समासासिया, भणिया य मे-सुयणु ! णस्थि ते अवराहो, भवियव्वया एस त्ति । तमो विविहासु परिकहासु अक्खाइयासु य पियं अभिरामंतो अभिर मामि परम-सुरभि-सव्वोउय-कप्प
दुमंतर-लदा-मंडवग-जालघर विवरोरु-गओ पकीठमाणो विविहासु य अमय-घय-मधुखीरादि-छुर(?खोरइच्छुरस)-पयाति-पाणीय-पुन्नासु य पुक्खरणि-हरद-सर-सरपंतीसु णाणामणि--कणग-रयण-तरणखडखडयंडो(दो)ल-(!)पुप्पा(?पपा)त--पन्वय-विराइयासु पप्फुल्ल-कमल-कुव च्य-णोलुप्पल-सुरभि-सोभित-जलासु सुरभि-वर-विमल-सोतल-गंभोरविरा[इ]य-पाणियासु अमिरमतो पिया-सहिदो वंतर-सुरो इव जहा-सुहं विहरामि । कुसुमित-कणत-लदा-जालंतर-गयस्स यरयण-सिलापट्ट-सन्निविद्वस्त आणेति मे पिया कणगपत्थर-प्पदर-विदरिय-खंतिस्स(?) तक्खणख(?णुच्छ)लि प-सरस-सुरभि-गंधं कणग-भायणेणं गोसीस-चंदणं सरसं। तेण य अवलिंपिऊणमाणेति य मे संताणि(?ण)यपारियाय-मंदार-कुसुम-मालाओ। अहमवि पियं पियंतो व्व णयणंजलीसु वर-कुसुमसोभितं कासि । एवं मो अभिरमंताणं हिमवंत-सेल-सिहर-गयाणं सग्ग-गयाण व सुहेण वच्चंति केइ दिवसा ॥
इति धम्मसेण-गणि-महत्तर-कयाए वमुदेव-हिंडीए पढमो पभावइलंभो णाम परिच्छेओ समत्तो ॥१॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |