Page Text
________________
· पढमो पभावइलंभो - पेच्छमाणस्स य मम तई स-परिवारं तह वि सत्तु-वस-गयस्स बंधण-पीलितस्स वि णिज्जमाणस्स चिंता जाया-साधु कैतं, अहो ! इमीए कन्नगाए रूवसामिद्धी, कस्स मण्णे विज्जाहर-राइणो एस कण्णगा हविज्ज ? | चिंतितं च मेजति मि जियंतो एतं उवसग्गं निरज्ज(: तिरेज्ज) ततो एतीए स-परिवाराए कज्जे अवस्सं पयएज्जामि । पुणो य सयमेव चिंतितं च मे-अहो ! बलवं ताऽणंगो जो एदावत्थं पि पावति(१)। ताव माणसवेगेणं मम पिट्ठ-द्वितेणं सोवयारं भणिदा सा कन्नगा-दारिए पजंभ(भंज)णवेगे ! कत्थ मन्ने संपदं भाता ते राया वाउवेगो? त्ति । तीए य मम बंधणा-गाढ-पीलित-मणाए विव सरोसं भणिओ-किमहं जाणामि कत्थइ राया वाउवेगो ? त्ति । तं च सोऊण मया चितितं-साधु कयं, एस वि ताव राय-सुदा, णामं पि से जाणिदं दि ।
. ततो हं तेणासण्णोभय-सेढि-सीमा-सन्निविट्ठ, गिरि-सिहर-तल-विलग्गं, मणोपुत्तग-विज्जाहर-राय-निकायाणत्तीय चिरकाल-विणिम्मिद, सरय-ससि-निम्मलामलछुहा-धवल-सुकद-सोहं, सरदब्भ-सोन्भ-वर-विब्भमभूदाकार-सस्सिरीय-रूवं, सुकतपवर-पागार-दार-तोरण-सुणिवेसित-पुन्न-कलस-विलसंत-कंत-वदण-विलोलं, मज्झे य पवर-मणि-पेढ-पसत्थ-वित्थद-सुणिविठुक्कट्ठ-धरणणागिंद-सयड-फुड-मउ-पुरिसीवसोभितं सव्व-रयणमयिं सभं णीदो पवेसितो य । तोए य सभा-मडवेगदेसे विण्णत्था पसत्थ-गंधंग-सुकय-विच्छित्ति-कुसुममालब्भलंकिता महा-पमाणा भेरी चिद्वइ । सा य विराधित-धूणं(?) दुतं तालिता सयमेव य माणसवेगेणं । तीए य नव-जल[द]-गंभीरतर-णिस्सणाए णसूदाओ (!) दो वि अहासन्न-गयातो दाहिणुत्तरा-सेढीओ । ताहे य तेण महा-मेरि-घोसेणं बोधिता चदुद्दिसि पि विज्जाहरा वंद-वंदेहिं आगच्छिदं पयत्ता । तत्थ ते जहारिहेहिं पुव्वन्नत्थेहिं आसणेहिं कमसो निसन्ना स-परिवारा । खणेण य खुभित-महोदधि-सरिस-कलकलाराव-मुइलेहिं विज्जाहरेहिं पाउसणदि-वेगेसु व महोदधि-कुच्छी जहा आपूरिदा सा सभा ।
. तेसु य जहागत-निविद्वेसु ततो पहत-पडपडह-संख-खरमुहि-निनाद-घण-पूरितमहाभोगो संचारित-चारु-चामरा-जुयलो धवल-धरितादपत्तो पत्तो सभं सव्वालंकारभूसिदो महता जुतीय एक्को पढम-जोव्वणो विज्जाहर-राया । तं च दळूण पयलिदा आसणेसु सव्वे वि पुन्वोवविट्ठा विज्जाहर-रायाणो । णिसण्णो य सो कणग-मणिरयण-सकलोवसोभिदे वरम्मि सीहासणे स-पादपीढे । माणसवेगो वि सीहासण-वर
.१ तं० खं० ॥ २ ०कंद खं० विना ॥ ३०रिमोव० ख० ॥ ४ मयं सभं खं०विग ॥५.०पूरदेसा खं० ॥६.०मरधवलो धवल० ख० विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |