Page Text
________________
६२
वसुदेवहिंडी-मज्झिमखंडे विज्जाहर-लोग-मित्त-गह-गहण-णिमित्ते उभय-सेढि-वत्थव्व-णिकाय-विज्जाहर-वुड्ढाणं पुरतो णिगमिदावराहं ठावित-दोसं कातुं एतं घातेज्जाह, इहरहा महंतो हु ते दोसो संभवति त्ति । तेण य 'तह' त्ति पडिवन्न ।
ततो हं तस्स वयणेणं पच्छायावगो गाढ-बंधण-बद्धो विग्जाहरेसु उच्चालितो हं वेयड्ढगिरि-सिहरंतेण ववहार-कज्जे, अणुगच्छति य ममं रुयमाणी पिया सोमसिरी वेगवति-परियणो य परम-दुक्खत्तो । बहुओ य तत्थ स्वयर लोगो ममं अणुकंपमाणो विलवति, भणति य-हा हा ! अहो ! अकजं अस्सोयव्वं च पट्टियं, अहो ! णिरुवयार-विणयं इमं राय-कुलं, अवणीयस्स णाम जणस्स अणवराहे एरिसा अवत्था कीरइ, कहं अन्नेसु रायकुलेसु संबंधं आयाइस्संति(!) । एवं साणुकंपाइं खयर-जण-वयणाई सुणमाणो णीणिदो हं सुवण्णपुरीओ । पयटिभी हैं वेयड्ढ-गिरिणो रम्माइं सिहरंतर-कुहर-कंदरोदर-गताई उववणाई पेच्छमाणो। अणुयाइ य मे खोमेग-देस-लग्गा रुयमाणी पिया ।
अह य एगत्थ पंथ-तडासन्ने रववणे सुरभि-कुसुमोह-संछन्ने पवर-रूवसालिणि कन्नगं पेच्छामि अवदाणि(लि)त-कमल कोमल-सवन्नं, अप्प-पंचमं पंचत्थिकाय-सन्निदं पिव [लोगं], लोगट्ठिदिं व तत्थ पेच्छामि तत्थ पवर-कंडय-कीडा-वियावड । अवि य-करतलाहदुप्पतिद-णिवदेन्तन्तर-पयक(?)-ललिद-भमरय-परियत्तणाहणणरहस-पसरितुण्णदोणताहतलंता(:) कलविय-पवर-कामुग-वर-तरुण-करणाए य खेदविय-गात-लट्ठी तह-तुरिद -कद-करणं परियत्तण-वलिद-मज्झदेस-सरिससागत-तरितताणिद-धरणि-णिसुठुद्रिदेण पिय-कामि-जुवाणएण दवण(?)-जहण-वदण-सोणिकडितडावण-गंडगुलपण(१)-विसेस-परिचुंबणं पिव परिकरेंतेण तेणं कीलम(?मा)णिं तस्सेवे रय-रभस-वर-करण-परियत्तण-वसेण पवण-पयलित-ललित-कमल-कोमल-सरिन्छच्छवि-लोल-लोयणो(?णं) मंजिट्ठा-राग-विउम्भासित-खोम-साडय-णियंसणं थणं-सिहरे-- चुंबिदाहि य असित-भुयग-पवर-कुमारि-अभिव(ध)(१)काग-पत्तियाहि जणिद-पवरतरचारु-लायन्न-विमले(१ल) कावालिय-रल(?)-पयलिद-रेहंत-कंत-यन्नोववीदं उवचीयमाण-घण-जहण-घण-तड-नितम्बं अवचीयमाण-तणु-मज्झ-पास-देसं गंभीर-वियरणाभी-णिगुंज-सोभंत-मज्झ-भागं अ(?आ)पूरमाणिं पिव जोवणस्सावणं वर-णयण. भमर-भर(१म)माण-वदण-सतपत्त(म)सोभणिं तं कन्नगं पेच्छमाणो ण तिप्पामि ।
१ दत्तत्तर० ख०विना ।। २ ०सयसतण्णदोहता० ख०विना ॥ ३ .रिद. कर० ख०विना ॥४ ० सरस० ख०॥ ५ ०वय रभ. खं० ॥ ६ •णरियत्तषसे. ख०विना ॥ ७०ण पय० खं० ॥ ८ ०सरिच्छ विलोयणो खंविना ॥ ९ .णिभंत० ख०विना ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |