Page Text
________________
३४
वसुदेवहिंडी-मज्झिमखंडे
दिन्नासु व ? त्ति । वेगवतीए भणितं- अज्जपुत्तस्स अत्थो अरडिंभरूवस्स कोयणेण () व तेहिं ओलब्भति । मदणवेगाए भणितं- अहो ! अज्जपुत्तो महासमुद्द-पातालो विव जलेण दुप्पडिपूरो महिला-नदी । पियंगुसुंदरीए भणियं- किं तूरसि ? न ताव अज्ज वि अज्जपुत्तस्स चउसट्ठी-पिता-सहस्साई पूरंति । मदणवेगाए भणितं- किं सानपुत्तो चक्कघट्टी जातो चउसद्वि-पिया-सहस्साई पूरंति ? सामलीए भणितं-मज्जउत्तो पज्जलिउज्जल-रूवकासु भय-चक्कवट्टी(!)। नीलयसाए भणितं-अज्जपुत्त ! अलं ते एयासु दोक्खालुणीसु, अहं ते हितेसिणो पियकारिणी य अवजाणंती काम-समुत्थाणं दुक्खाणं मयण-वेयणा-विकारं, कहयामि ते जं पुच्छसि- न ताव एयाओ कस्सइ दिजंति, तं जति ते एयासु कज्जं ततो अहं चेव एयाओ वरयामि त्ति । ततो बंधुमतीए भणितं- भण केणं सि तुमं एरिसा दयालुणी सिद्धा । नीलयसाए भणितंहला ! अहं महासर-जत्ताए कन्नाभावे मातंग-वेस-धारिणि अज्जपुत्त-दंसणुप्पण्णसिणेहाणुरागा अज्जपुत्तं गंधव्वदत्ता-वसकं अणुचिंतयंती सयमेव दयालुयत्तणं सिक्खिता मि । एवं तासि अन्नोन्नीसाइताई सासूर्य-भणियाइं सुणमाणो य हसमाणो य अच्छामि ।
एतम्मि देसकाले केवलि-वंदगा मागता मम समीवं देवी हिरन्नवती । सा य मे सवत्तीएण पूइता विणएणं । अवतासिता य तीए अत्तणो णत्ती णीलयसा सेसाओ य में पिया बालचंद्रा य त्ति । ततो सा ममं भणति-पुत्त कुमार ! सव्वाणि ते विज्जाधर-ससुर-कुलाई इह आगताई केवलि-पायमूले, वलि एगंगयाइ(१) इयाणि तुमे दटुमिच्छंति, तं आगच्छह, पेच्छह त्ति । ततो हं तीए वयणं पूयंतो गतो विज्जाहर-समूहं । दिट्ठा य मे ससुरा असणिवेग-सीहदाढ-विज्जुवेगा, सह पत्तीसु प्हया य मे विणएणं । तेसु य अहं पसत्थासु आसीसासु अभिणंदितो । सीहयस-वराहग्गीवा य गंधव्वदत्ता-भायरो, ते वि तत्थेव दिवा य मे, पूइया य तेसु महं, मया वि ते बहुस्सिता । दिट्ठा य तेसु वि सुचिरं स-भगिणी गंधव्वदत्ता, तीय वि भायरो ससिणेहमवतासिता ।
___ ततो तेहिं सव्वेहिं वि अहं भणितो- सामि कुमार ! सुणह जं भणामो-इह खलु दाहिणढ़भरहे हिरिमंत-पव्वते पच्चासन्ना जिणाययण-जत्ता, तत्थ भगवतो संजयंतस्स धरणस्स य नागरन्नो पडिमाणं पुरतो उभय-सेढि-वासिणो वि सणिकाया विज्जाहरा स-पुत्त-दारा मिलंति, नियत्तीए विज्जाण य उच्चारणं करेंति,
१ .स्स त्थो० ख० ॥ २ सासूयगणियाई खा ॥ ३ ०वंदणागता खं०॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |