Page Text
________________
पढमो पभावइलभो जिणघराओ । गतो मि तं चेव पासाय-वडेंसतं । तत्थ य गतेण पुच्छियातोकहेह, कस्सेयाओ कन्नयाउ ? त्ति । तासु य मे कहितं- अज्जपुत्त !
___ अत्थि वेयड्ढ-गिरिवरस्स दाहिणाए सेढीए कणगमलं नाम पुरवरं । तत्थ य आसि पुरा पुरसहितो(?) विज्जाहर-राया हेमंगतो नाम । तस्स सुप्पभाए देवीए तिन्नि पुत्ता, तं जहा- हेमजसो गमिदासो भरदाओ य । सो य राया हेमंगतो अमियप्पहवस्स चारणमुणिणो सगासे धम्मं सोऊण जातसंवेगो तिन्नि वि पुत्ते आपुच्छति, रज्जेण य णिमंतयति । तत्थ नमिदासेण भणितं- अहं तुर्भ चेव अणुपव्वयामि । दोण्ह वि रज्जं विभइऊणं नमिदास-सहितो य पव्वइतो। कालेण य परिणिव्वुतो भगवं, नमिदासो य समहिगत-सुत्तत्थो तिव्व-संवेगो विहरति, हेमयस-भरद्दा[या] य रज्जं भुंति । हेमयसस्स य रण्णो सुरतीए देवीए पुत्तभंडाई, तं जहा- कुमारो हेमदाढो हेमयसा य कन्नगा विज्जाहरलोग-विस्सुता अणण्ण-सरिसा विज्जासु । भरदायस्स [...............] विज्जाहर-राइणा संगामे मारितो । ततो वायुप्पहो वि भरदाएणं रण्णा भाति-वहरोसितेण हतो रणमुहे । निव्वत्ते य संगामे राया भरदातो पिय-भाउग-मरणदुक्खितो भाति-सुतस्स हेमदाढस्स रज्जं दाऊणं निविण्ण-कामभोगो जिणवयणमतिदुक्करं परिहरंतो सामन्न-पु(धु)रं केवलं सम्मत्त-सहितो तावसो पव्वइतो वेयड्ढपायमूले कंचणगुहासन्ने बहु-रिसिगण-परिवारो तवं चरति । ताओ य से सत्त कन्नाओ जेदुभा उग-सुयट्ठमीओ सयण-वग्गेण विज्जा-गाहण-कज्जेण आसमपदं नीताओ तत्थ विज्जा-गहणं करेंति, पाएण सिद्ध-विज्जाओ संवुत्ताओ, विसेसेण पुण हेमयसा विज्जासु बलिया जाता । सिद्धाओ य से स-परिवाराओ महागोरी महापन्नत्ती य । बहुसो विज्जाहर-समिति-समागमेसु मिलमाणीणं अम्ह एतासिं च परोप्परं सिंणेहो जातो । अज्ज य एतातो नमिदासस्स भगवतो केवलनाणुप्पदं(त्ति) किह वि नाऊणं रायरिसिणा भरदाएण सह इहागतातो, तुम्भेहि य दिद्वातो त्ति ।
ततो मया भणितं- जाणह तुम्भे कासि य एयाओ दिन्नाओ नव ! त्ति । ततो गंधव्वदत्ताए उपहसिऊणं भणितं- भे अणामित-काल-वम्महं(?) ताव त्ति किं तुह एतासु
१. पुरा पुरा पुर० ख०विना ॥ २. भारदा० ख०विना । एवमग्रेऽपि ॥ ३. अत्रान्तरे कियाश्चिद प्रन्थसन्दर्भः खण्डितोऽस्ति ॥
Jain Education International
For Private & Personal Use Only
www.jainelibrary.org
| SR No. | 002648 |
| Book Title | Vasudevahimdi Madhyama Khanda Part 1 |
| Original Sutra Author | Dharmdas Gani |
| Author | H C Bhayani, R M Shah |
| Publisher | L D Indology Ahmedabad |
| Publication Year | 1987 |
| Total Pages | 422 |
| Language | Sanskrit, English |
| Classification | Book_Devnagari & Literature |
| File Size | 22 MB |