________________
२२
जं पिच्छिऊण अमरा वि हुंति सिढिलायरा य ठाणेसु । वर-कणय-समिद्धो जणोह - सुवसियं अमर-परिओसं । । २४३ । । मुणिसुव्वय-सांवि-जिणिंद - पाय-पडिबिंब-कय- पवित्ताओ । भरुयच्छ-महानयराउ देव! एत्थागओ 'एहिं । । २४४ ।। दाऊण कणय (३३अ)- कच्चोलएण पुणु सुयणु ! तस्स तंबोलं । उल्लवियं नरवइणा 'धणेस ! अइ- सोहणा तुरया' ।। २४५ ।। नाइत्तएण भणियं पारसगज्जणय संभवा ए ए । उत्तरदिसि संभूया बहु-तेया जच्च - तोक्खारा । । २४६ । । बज्झति जस्स बारे सत्तु - सिरी देव! तस्स साहीणा । वा लक्खणं इमाणं आयण्णह तह पयत्तेण । । २४७ ।।
तं जहा
पिहु- उण्णयं विसालं भालयलं तह उरं तियं जेसिं । ते तुक्खारा भणिया तुरया रवंधुद्धरा सत्थे । । २४८ । । वंकग्गीवा मुह - नालि संकडा थूल- बहुला खुरा ( ३३ब) जे। कण्णंतर-संकिण्णा दीहर - केसा य लहु कण्णा । । २४९ । । रत्तच्छ- अहिय दप्पा-पसत्थ - उर - सरिस - दक्खिणावत्ता । परिहव - पयं रिऊणं जुज्झम्मि जयंकरा पहुणो ।। २५० ।। आसण्ण-कक्खावत्ता जयंकरा हुंति देव! सत्तूणं । किन्हं च तालुदेसं जेसिं सिंगिं सिरे तह य । । २५ १।। वामावतो जेसिं वियडे तह उयर' पुच्छमूलम्मि । ते तुरया निय पहु- महिलियाण दरिसंति सिय-वत्थं । । २५२ ।।
ए ए पुणो पसत्था तुरया संपुण्णमलक्खणा सुहया । जाणिहसि सयं णरवर ! आ ( ३४अ) रूढो सत्तु संगावे' ।। २५३ ।।
इय राया जा तुरयाणं लक्खणं सुणइ सेट्ठि-वयणाओ । आवज्जिय-सयल - कला सुदरिसणा ताव संपत्ता । । २५४ । ।
१. तुम्ह पयमूले. २. नरवयणा. ३. उपर.
Jain Education International
For Private & Personal Use Only
www.jainelibrary.org
