________________
१२८ निव्वाण-रज-साहणपराहं, उवसग्ग-खयंकरि मुणिवराह। अण्णे विजे तउपय-कमल-भत्त, वर-णारि थुणइ तं एक चित्त।।१४४७।। विहडिय-समग्ग-दोहग्ग-रासि, सा होइ खणेण सोहग्ग-रासि। चारित्त-रयण-वर-भूसियंग, बहुविह संपय-कय-मोक्ख-संग ॥१४४८॥ विन्नवणे देवि महु करि पसाउ, जिणधम्म करंतह विग्घु जाउ। जय जय सिंघलदीवुप्पन्नि, देवि, सुदंसणे गुण-संपत्तिए। (२०९अ)सिरिभरुयच्छ-निवसिय-जिणहरे, सुरविमाणे उप्पण्ण
मणोहरे !।।१४४९ ।। विजाहर-किन्नर-सिद्ध-जक्ख-गंधव्व-णमिय-पय-कमलो। पणय-धणपाल-दच्छे पयच्छ 'जिणिंद-पय-बोही।।१४५० ।।
।। इय भरुयच्छ-नयर-निवेसिय-सिरि-संवलिया-विहारस्स सिरि-सुंदसणा-चरिए-सुंदसणाए सुरलोय-गमण-वण्णणो नाम *एगारसमो उद्देसो समत्तो।।
चंपयलया किन्नरी नियाणबंधो नाम बारसमो उद्देसो।
सीलवई पंचमहव्वया(२०९ब)इ तयणंतरं गहेऊण। अखंडिय-वय-णियमा तत्थ ठिया तीए पणएण।।१४५१।। पालेवि वयं आऊय-खएण-तम्मोह-मोहिया सुयणु ! । अणसण-विहिणा मरियं उप्पन्ना सा वि ईसाणे।।१४५२।। एयं चरियं तइया वित्तं मुणिसुव्वयस्स तित्थम्मि। एत्थागमणं संपइ तुम्हाणऽम्हाणं साहेमि।।१४५२।। भरुयच्छे सुयणु! जया वह(ट्ट)ते सुव्वयस्स तित्थम्मि। सुव्वय-जिणस्स भवणं करावियं राय(२१०अ)धूयाए।।१४५४ ।।
१. जिणंद २. संवलियाचरिए. ३. एगारससो. ४. विहिणो.
Jain Education International
For Private & Personal Use Only
www.jainelibrary.org
