________________
१२३ जंपइ कमला सामिणि! नरवइणो चंदउत्तरायस्स। णिद्दिढे तुह कुसले मुणीण तह दंसणे सुहए।।१३८८ ।। तुह बंधूण कणिठ्ठो वसंतसेणो ठवेवि णिय-रजे। तुह जणणि-बंधु-सहिओ पडिवण्णो जिण-मए दिक्खं ।।१३८९ ।। तेणावि पुणो तुह बंधवेण(२०२अ)रन्ना वसंतसेणेण। तुह संदिढं जह इह भवंतरे तुह य बोहिज।।१३९० ।। तुह पउमा-धावीए वासवदत्तेण तीए पुत्तेण। एयं चिय संदिळं ममं पि बोहेज जिण-'धम्मे।।१३९१ ।। सुणिऊण तीए वयणं पच्चासन्नं मुणेइ जह मरणं। रायसुया जह भद्दे ! तुमं पि संपइ निसामेह।।१३९२।। तं जहा आगममाहभू-कण्णघोस-णासा-तारा-जीहाणं अणुवलंभम्मि। नव-सत्तं पंच-तिण्णि-एगं च दिणं भवे जीयं ।।१३९३ ।।
अन्नं चधूचक्कं तह तिपयं अरुद्धइं जो ण नियइ पच्चक्खं। विवरीरं माइहरं जो नियइ छ मास जीयं सो।।१३९४ ।। जो एवं उवलक्खइ सयावि खलु आ(२०२ब)यरेण पइदियह। सो जाणइ निय-मच्छु इयरो सत्थं उवहसेइ।।१३९५ ।। एएहिं रायधूया णाउं "चिंधेहिं अत्तणो मरणं। सव्वं पि नयर-लोयं खमावए परियणं तह य।।१३९६ ।। चेइयहरेसु अट्ठाहियाओ पूयाओ तह करावेइ। दाणाइ "मुणिवराणं देइ अणाहाण दीणाणं ।।१३९७ ।। वंदेवि जिणवरिंदे नीसंग तह करेवि अत्ताणं। विहिय-करयंजलिउडा थुणेइ सिरि-सुव्वय-जिणिंद।।१३९८ ।।
तं जहा१. धम्मो. २. विचरीरं. ३. नियमझं. ४. चिन्नेहि. ५. सुणिवराणं. ६. थुणेहिं.
Jain Education International
For Private & Personal Use Only
www.jainelibrary.org
