________________
अवि य[मणि-रयण?]फलिहमय-धवलहर-विउल-देउल-सोहिय-पएसं। अवलोइऊण नयरं चलिया साहूण पयमूले।।१०९७।।
एवं जिण-नवकार-पहाव-सुलद्ध-सुहय-सुमणुयत्त-समत्ता एसा सा (१६७ब)संवलिय 'त्ति काऊण पसंसिजंती पुरसुंदरीहिं, थुव्वंती मागहजणेणं, सलाहिजंती बहुजणेण, संमाणिजंती वियक्खणेहिं, पणमिजंती जणसमूहेण आणंदिजंती वियड्डेहिं। अवि य-पडिबोहिंती विव णवकारप्पहावोवलद्धविउल-रि(१६८अ)द्वि-समिद्ध-सुमणुयत्तं, पयासयंती विव परोवयारिमुणिजण-विमल जसप्पहावं, पणासयंती विव मिच्छत्ततिमिर(१६८ब)संघायं, पयट्टा पुव्व-भवुदिट्ठजाणाहिमुहं। गद्यखंड-७
अवि य जा वच्चइ थोव-प(१६९अ)हं सुदंसणा सह णिवेण सा सुयणु !। ता णम्मय-सर-तीरे-दिहँ कोरिंटमुज्जाणं ।।१०९८ ।। तं च केरिसं? आसोय-बउल-चंपय-कयंब-सरलंब-पल्लव-दलेहि। वारिजइ जत्थ दिणेस-तिव्व-पसरंत-कर-णियरो।।१०९९ ।। जंबु-जंबीर-दाडिम्ब-करुणय-णालियर-फल-समूहेहिं. पीणीज्जइ जत्थ छुहा-किलंत-पह-खिण्ण-पहियाय]णो।।११०० ।। घण-णंदिरुक्ख-रुद्दक्ख-हिंताल-ताल-णिवहेहिं। रामिजइ-कइ निवहो जत्थ गुरु(१६९ब)-मुक्क-ठोकारो।।११०१।। कडह-वड-कुडय-दाडिम-धव-धम्मण-धाइ-सरल-साहासु। लंबिजइ जत्थ करो मत्त गइंदेहिं लीलाए।।११०२।। वियइल्ल-जाइ-सयवत्त-कुंद-सुकयंब-कुसुम-गंधण। सद्दिजइ भमर-कुलं-सयावि मुहरीकयं जत्थ।।११०३ ।।
१. त्त. २. समाणिजंती. ३. जसप्पभारं. ४. गंमय.
Jain Education International
For Private & Personal Use Only
www.jainelibrary.org