________________
पुव्वभव-परिचिय-महा-मुणि-दसणो जिणभवणोवएस-वण्णणो
नाम नवमो उद्देसो
'वहिऊणाविग्धं थोव-वासरेहिं पि णम्मय-दुवारे। संसारु व्व समुदं तरिउं तीरं गया बाला।।१०४४।। धय-चिंध-छत्त-चामर 'झुलंतुद्दाम-किंकिणि-रवेण। अप्फालिय-जयतूरो वेडाडंडो तडे पत्तो।।१०४५।। सव्वो वि नयर लोओ सोउं जयतूर-सद्द-णिग्योसं। भीओ भणेइ हा किं समागओ सिंघलाहिवई।।१०४६।। (१५९अ)सुणिऊण तूर-सदं भणियं जियसत्तु-राइणा रे रे। किं एस सिंघलेसो समागओ मज्झ उवरिम्मि।।१०४७ । ता पक्खरेह तुरया गुडह गइंदा भडा वि तजेह। अप्फालह रणतूरं सत्थाई करेह पउणाई।।१०४८।। इय हय-गय-रह-भड-जोह-परिगहो सन्नहे वि जियसत्तू। वेलाउलम्मि पत्तो 'अप्फालिय-तूर-जय-सद्दो।।१०४९ ।। तं सण्णद्धं दटुं भणियं च सुंदसणाए किं एयं। दीसइ-हय-गय-रह-भड-समाउलं उयहि-तीरम्मि।।१०५० ।। भणियं च उसहदत्तेण सुयणु! एयस्स लाडएसस्स।। राया जणस्स सुहओ जिण-धम्म-रओ अणुण्णमई।।१०५१।। अण्णं चतिक्ख-(१५९ब) करवाल-दारिय-रिउ-गय-कुंभत्थलुच्छलंतेहिं। मोत्ताहलेहिं हारो जेण कओ सुर-जुवाणीणं।।१०५२।। परवाय-विकह-मूओ परदोसायण्णणेक-बहिरु व्व। जच्चंधो पर-महिलावलोयणे सुगइ-रोरु व्व।।१०५३ ।। करुणामय-णीर-सरोवरं व संवेग-चित्त-भित्ति व्व।
णिव्वेय-रयण-सुणिहि व्व पसम-तरु-सुहयछाय व्व।।१०५४।। १. चहिं. २. तरिउं. ३. जुलंतुदाम. ४. अफालियो.
-
Jain Education International
For Private & Personal Use Only
www.jainelibrary.org
