________________
८८
विज्जाए णाण-दाणं साहीणं तह धणेण धण-दाणं। रोराण वि साहीणं इमं सया अभय-दाणं च।।९९४ ।। तइयं च भत्त-पाणं वत्थोसह-वसहि-आसणाइणि। धम्मोवगहकरणं जईण देयं विसेसेण।।९९५ ।। एयं सया सुपत्ते काले खेत्ते ज(१४८-अ)हा ससत्तीए। सिव सुक्ख-करं दाणं दायव्वं भाव-सुद्धीए।।९९६ ।। एगं पि जो इमाणं दाणं कालागए सुपत्तम्मि। भावेणं देइ सुद्धं महिड्डिओ होइ सो पुरिसो।।९९७ ।। तित्थयर चक्कवट्टी बलदेवा तहय वासुदेवा य। जायंति(१४८ब)जयब्भहिया सुपत्तदाण-प्पभावेण।।९९८ ।। जह भयवं रिसह-जिणो घिय दाणपभावओ जयब्भहिओ। जाओ जह भरहवई भरहो मुणि-भत्त दाणेण ।।९९९ ।। अन्नं चदंसण-मित्तेण वि मुणिवराण नासेइ दिण-कयं पावं। (१४९अ) जो देइ ताण दाणं तेण जए किं ण सुविढत्तं ।।१००० ।। तित्थंतरेसु मुणिणो जिण धम्म-धुरंधरा सया हुति। तेसिं दाणं दितो जिणधम्म-पहावगो होइ।।१००१ ।। तं सुपवित्तं भवणं मुणिणो विहरंति जत्थ पइदियहं। न कयावि साहु-रहिओ जिण-धम्मो पायडो होइ।।१००२।। आरंभे णत्थि द(१४९ब)या अण्णासत्ताण "णासए भावो। सपरिग्गहाण सीलं ता साहीणं सया दाणं।।१००३।। आरंभजुएण सया सुद्धमसुद्धं पि भावसुद्धीए। देयं मुणीणं दाणं कालं खेतं मुणतेण।।१००४ ।। दुब्भिक्ख-देसभंगे पंथे रण्णे य तह कुवासे वा। देयं मुणीण(१५०अ)दाणं तित्थुण्णइ-कारणं विहियं ।।१००५ ।।
-
१. सुख. २. प्पभावओ. ३. किण्ण. ४. ण्णसए.
Jain Education International
For Private & Personal Use Only
www.jainelibrary.org
