________________
सा पुण दुविहा जिण-भवण-बिंब-देव-चणाइ-दाणेण। अन्ना पंच-महव्वय-दुक्कर-तव-चरण-करणेण।।९५८ ।। ता बारसविह-तव-चरण-जलण-जालावलीहिं कम्म-वणं। (१४२ब)द(ड)हिऊण भवायत्तं भुवणे कित्ती पयासेमि।।९५९।। इय चिंतिऊण एवं पंचेव महव्वयाई गहिऊण। उग्ग-तवं कुणमाणो इहेव सो संठिओ कुमरो।।९६० ।। जो आहवमल्ल-सुओ जयधम्म-नराहिवस्स वर-भिच्चो। जिण-दिक्खं पडिवण्णो सो हं तव-कारणं एयं ।।९६१।। सुणिऊण संविहाणं क(१९३अ)मलाए सा मयच्छि ! सीलवई। देवच्चणं कुणंती गंतुं वद्धाविया तत्थ।।९६२।। अम्मे ! सो तुज्झ वरो विजयकुमारो णु एत्थ निवसेइ। उग्ग-तवं कुणमाणो ओपिच्छह किं वियारेण।।९६३।। भणियं सीलवईए अलियं जपेह मा हले कमले!। वाया वि पेम-बंधो एरिस-दुक्खाई दंसेइ।।९६४।। सा कमलाए सहिया समागया तत्थ नियइ तं कुमरं।। उग्ग-तवं कुणमाणं णमेइ भावेण सीलवई।।९६५।। दाऊण धम्मलाहं भणियं मुणिणा मयच्छि ! धन्नासि। संजम-कए तुमं मह सुपुव्व-पुण्णेहिं संपडिया।।९६६ ।। भणियं रायसुयाए ‘कायव्वं तुम्ह 'जं म(१४३ब) ए भयवं !। तेण मह णिज्जरत्थं कुणसु पसायं विगयमोह !।।९६७।। भणियं मुणिणा भद्दे ! जइ एवं ता करेह जिण-धम्म। पाविजइ जेण अणाइ-अक्खयं सासयं ठाणं ।।९६८।। सो पुण 'चउब्विहो जिणवरेहि भणिओ तिलोय-महिएहिं। दाण-तव-सील-भावण-भाविय-चित्ताण-सत्ताणं ।।९६९।। दाणं च होइ तिविहं णाणाभय-भत्त-पाण-ठाणाहिं।
एयाणं च पहाणं नाणं भणियं जिणिंदेहिं।।९७० ।। १. ज. २. चउद्विहो.
Jain Education International
For Private & Personal Use Only
www.jainelibrary.org
