________________
८४
एएण कारणेणं चउसट्ठिसहस्स भब्व नारीणं । चइऊण भरहचक्की पत्तो निव्वाणपुर-रजं ।।९४५ ।। (१४०-ब) अज दियहाउ मज्झ वि इमीए भजाए रायलच्छीए। आजम्मं निवित्ती समप्पियं तुज्झ कुण रजं ।।९४६।। तं निसुणिऊण जंपइ 'कुमरो इय एरिसम्मि संसारे। मज्झ वि एयं जुत्तं एयं पि निदरिसणं ताय ! ।।९४७ ।। को इत्थ जाणमाणो (१४१अ) निद्दय-बहु-कवड-कूड-नारीणं। दुट्ठाण महिलियाणं अत्ताणं खाणयं देहि।।९४८ ।। सो विजाहरराया रजं चइऊण निय-गुरु-समीवे। जिण-दिक्खं पडिवण्णो कुमरो वि समागओ एत्थ।।९४९ ।। जा किल सीलवई सा जयधम्मनिवस्स सो समप्पेइ। पडिवजेसइ दिक्खं न पिच्छए सा वि ता एत्थ।।९५०।। चिंतेइ मणे हा हा निरत्थयं मज जीवियं विहलं। [किं] किज्जइ 'मए जम्हा ताओ वि विडंबिओ जुज्झे।।९५१ ।। एसा वि नेय पत्ता जयधम्म निवो वि नेय तोसविओ। (१४१-ब) सुहडत्तणं च नढें पारद्धासिद्धकजस्स।।९५२।।
अन्नं च सउरिसाणं कित्ती तिविहा बुहेहिं निद्दिट्ठा। विक्कम-कवित्त-चाएणं ताणं एगावि न हु मज्झ।।९५३ ।। एवंविहम्मि कजे असमत्ताए सुकज-सिद्धीए। कत्तो विक्कमकित्ती य सिद्धकजस्स हसणिजा।।९५४।। सुकवित्तणेण कित्ती साहीणं छंद-लक्खणं जइ वि। सम्मत्त-कव्वबंधे निविग्धं सा वि कालेण।।९५५।। चाएण-अत्थ-रहिया कत्तो कित्ती चलाए लच्छीए। आजम्मं ता संपइ निरत्थयं जी(१४२अ)वियं मज्झ।।९५६।। परिभाविऊणं एवं जिण-चलणाराहणेणं जा कित्ती।
सासय-सुक्ख-निहाणं कायव्वा सा मए एण्हिं।।९५७।। १. निदरिण्णणं. २. मी. ३. जावियं.
Jain Education International
For Private & Personal Use Only
www.jainelibrary.org
