________________
अवि य
आजम्मं सुकियं पि हु एगस्स वि जणणि ग ( १२०-ब)ब्भ मूलस्स। न समं संपइ अम्हाणं तं पि ण हु मंदउण्णाणं । । ८२८ । । सुणिऊण तीए वयणं गलंत - नयणंसु - सित्त- वच्छयलो। जंपइ राया 'वच्छे ! पुणो तुमं कत्थ दीसिहसि । । ८२९ । । जणी विमाण - मोग्गर - गुरुय - पहाराहय व्व सहसति । वियलंत - सव्व - गत्ता धसत्ति धरणीयले पडिया । । ८३० ।।
७३
चंदण - रसेण सित्ता सुहु ( १२१अ ) माणिल - लद्ध - चेयणा देवी । भणिया सीलवईए 'अमंगलं कुणह मा सुयणु !' ।।८३१ ।। धूया - वियोग हुयवह- धूम - सिहाउलिय- वयण - नयणो । कह कहव चंदलेहाए जंपियं गग्गर गिराए । ।८३२ ।। जइवि मह सत्त पुत्ता तुज्झ वियोयग्गि- डज्झमाणाइं । अंगाई तुज्झ दंसण - जलेण कह वि विज्झविस्संहि । ।८३३ ।। भणियं सुंदसणार अम्मि तुमं मा पुणो पुणो रुयसु । कमला तुह पयमूले एसइ पडिकुसल कहणत्थं । । ८३४ । । सील (१२१ब) वईए दाऊण 'साइयं चंदलेहदेवीए । भणियं णासो व्व मए समप्पिया एस तुह धूया' । । ८३५ ।। तह सप्पणयं देवी वि पभणिया कहव सीलवइयाए । अज्ज समप्पड़ नेहो एयं उण दंसणं सुयणु ! । । ८३६ ।। वज्ज - घडियं व्व पियसहि ! मह हिययं जं न जाइ सयखंडं । तं अवि तुझ विओय - पउर- दुक्खं सहेयव्वं । । ८३७ । । तुम्हऽम्ह दीह - विरहग्गि-जालिओ कुवलयच्छि! नेह- दुमो । दुक्खिंधण-संजलिओ अति सरलो दज्जइ वराओ । । ८३८ । । एया (१२२अ ) रिसं असारं संसारे जाणिऊणं सव्वं पि । सारे जिणिंद धम्मे, समुज्जया होज्ज सुयणु ! तुमं । । ८३९ । ।
१. साईयं.
Jain Education International
For Private & Personal Use Only
www.jainelibrary.org
