________________
ता देव! इमीए सयं प(८५अ)त्तो सिव-सोक्ख-कारणं धम्मो। कप्पतरुणो वि अहिओ रयणं को पाविउं चयइ? ।।५९७ ।। अह कहमवि मह वयणं तुह धूया जइ न कुणइ नरनाह !। कयउण्णाणं पुरओ हवामि तणु-तिण-समा ज्झत्ति।।५९८ ।। अवि यजंपतो वि-हियत्थं न गणिज्जइ जं तण व्व लोएण। निदोसस्स वि दोसं ठवेंति जं अलिय-वाएण।।५९९ ।। जं जम्मो नीय-कुले 'जोयणवंतस्स जं च दारिदं। . चारित्त-रूय-रहियं जं च कलतं च पडिकूलं ।।६०० ।। जं वाहिल्लं देहं जं च विओगो समं संबंधूहिं। जं च पवासो वसणं सया वि सेवाए निव्वहणं ।।६०१।। जं (८६अ)मोक्खत्तं दूयत्तणं च जं भोयणं परायत्तं । तं एयं सव्वं पाव-पुंज-तरुणो फलं रोई।।६०२।। एएण कारणेणं भणामि नो, तुह सुयं पयत्तेण। अब्भत्थणाए भंगो आजम्मं दहइ गरुयाणं ।।६०३।।
इय-भरुयच्छ-नयर-निवेसिय-सिरि-संवलिया-विहारस्स सुदंसणा-चरिए जयधम्मराय-धूय-सीलवई-संविहाणो नाम पंचमो उद्देसो सम्मत्तो।।
१. जोयण. २. सम्व ३. सीलवइ.
Jain Education International
For Private & Personal Use Only
www.jainelibrary.org
