________________
४९
सो वि जिदि पणमिऊण कय- पढम-वंदणो तीए । दिन्नासणो बइट्ठो नासन्नो नाइदूरम्मि । । ५५० ।।
भणियं तेण सविनयं ( ७८ब) मयच्छि ! का तं सि एत्थ निवसेसि । गागिणी कलिसि नलिणि व्व सरोवर - भट्ठा ।। ५५१ ।। अहवा किं तं पायालवासिणी किं सुर-वहु व्व किं सुयणु ! | किं मणुय भवा विज्जाहरेण हरिऊणिहाणीया ? । । ५५२ । । विसमेरिसम्मि सेले 'उयही - मज्झट्ठिए कहं पत्ता । अइ- गुरुयं किं कज्जं कत्थ निवासो सुया कस्स ? । । ५५३ ।। अन्नं च
ओछुट्ट - चिहुर-भर - कुसुम - दाम - पंजरिय- कुंकुम - सुवत्था । कीस कलिज्जसि सुंदरि ! मज्जण जल- भिण्ण-मुह - सोहा । । ५५४ ।।
तुट्ट-गुण- तरल-पगलंत-हार मुत्ताहलालि-कय-सोहा ।
-
कीस कलिज्जसि मुद्वे निय- जसपुंजुं व्व विकरंती । । ५५५ ।। तव्वयण - जणिय-गुरु-माण- गंठि (७९अ ) पूरिज्जमाण कंठाए । 'लज्जानमिय- सिराए कहकहव खलंत - वायाए । ।५५६ । । नयणंसु-वारि-सिंच्वंत-पीण- सुपओहरोरु जुयलाए । उहुह - दीह-नीसास- मेल्लिरीए समुल्लवियं । । ५५७ ।। जे भाउय ! विसय सुहाहिलासिणो विरइ - सुक्खमलहंता । पावंति महा - वसणा ते वि किं तुम्ह कहियव्वं । । ५५८ । । परिभाविऊण एयं तुमं पि मा वित्थरेण पु ( ७९ ब ) च्छिहसि । एसा महति कुकहा जाणिहसि जणस्स पासाओ । । ५५९ ।।
-
अण्णं च
गरुया वि सोयणीया आवइ - वडिया हवंति सव्वाणं । चंदो वि गहण - काले दीणो जोइज्जइ जणेण । १५६० ।। जंपर वणिय कुमारो सच्चं एयं तए समुल्लवियं । उवहासं जणइ जणे णिय - दुक्खं वज्जरिज्जंतं । । ५६१ । । १. सरोव्वर. २. उयट्ठा ३. कलज्जसि. ४. लज्जो. ५. सच्चाणं. ६.
Jain Education International
For Private & Personal Use Only
जंपति.
www.jainelibrary.org
