________________
मल्लिकामकरन्दनाटकम् ।
( पुनः सजुगुप्सम् )
गीतमपि रक्तकण्ठैरुद्घटितं प्रीतये किल न येषाम् । पाषाणसोदराणां तेषामेषोऽञ्जलिर्बद्धः ॥१२॥
(पुरोऽवलोक्य) कथमितः खेचर शिविरसन्निवेशः कोऽपि ? । ( वामाक्षि - स्फुरणमभिनीय. ) निश्चितमत्र तेन चित्राङ्गदेन भाव्यम् । तदन्यतो व्रजामि । ( इति परिक्रम्य ) कथमिदं सर्वतो माणिक्यप्रभापुञ्जपिञ्जरितदिगन्तरं निर्मानुषप्रचारं पुरः सौधम् ? । भवतु, प्रविश्य विलोकयामि ।
( नेपथ्ये )
महाभाग ! निवर्त्तस्व निवर्त्तस्व । केन दुष्टदैवेन प्रेरितो महापापनिधानं सौधमिदमधिरोहसि ?
-
मकरन्दः ( सकौतुकम् ) कथमयं सौधाङ्गणपञ्जरस्थः शुको व्याहरति । । तत् कथं वामाक्षिस्फुरणमपीदमस्माकं शुभोदर्काय ? |
असम्भाव्यार्थलाभान्ता विपत् सम्पत्तिसोदरा |
विषं हि व्याधिविध्वंसि पीयूषप्रतिहस्तकः ॥ १३ ॥ ( ततः प्रविशति यथानिर्दिष्टः शुकः 1)
शुकः भो भो महाभाग ! निवर्तस्व निवर्तस्व ।
३७
-
Jain Education International
मकरन्दः ( सावष्टम्भम् ) भोः ! मा भैषीः, विश्रब्धं ब्रूहि । स्व-परापायनिवर्त्तनक्षमोऽहम् । ततो यदि शकुन्त एव त्वं षटुचदुव्याहारस्तदानीं किमाश्रर्यम् ? | अथ व्याजान्तरं किमपि तदा प्रकाशय परमार्थम् । पर्याकुलोऽस्मि श्रवणोत्कण्ठया ।
शुकः - व्याजान्तरमेवेदम्, प्रतीकारासम्भवेन पुनरप्रकाश्यम् । मरकन्दः – ममाल्पत्वदर्शनेन प्रतीकारसम्भवमभिदधासि तदा भ्रान्तोऽसि । .] कर्म तदादधाति
अत्यद्भुतं [..
स्वल्पोऽपि कोऽपि महतामपि यन्न साध्यम् । कर्पूरपूरणविधेरधिकां वहन्ति
-
ताम्बूलतो वदनवारिरुहाणि लक्ष्मीम् ॥ १४॥
शुकः - समाकर्णय तर्हि - वैभलनगरनिवासी वैश्रमणनामा सांयात्रिको मनोरमया सधर्मचारिण्या समं महार्घ्य - विचित्रभाण्डनिभृतं यानपात्रमधिरूढः ।
For Private & Personal Use Only
www.jainelibrary.org
