________________
महाकविश्रीरामचन्द्रविरचितं इयं मङ्गलकलशाध्यासिता विवाहवेदी, इयं च सम्मुखीना यक्षाधिपतेः प्रतिमा, एतौ च मनोरमा-वैश्रमणौ ।
( ततः प्रविशन्ति यथानिर्दिष्टाः सर्वे ।) गन्धमूषिका-वत्स चित्राङ्गद ! वत्से मल्लिके ! प्रणमतां भवन्तौ भगवन्तं यक्षाधिराजम् ।
(उभौ सबहुमानं प्रणमतः ।)
(मनोरमा स्मित्वा मल्लिकामुखमवलोकयति । ) मल्लिका - 'हियय ! समस्सस समस्सस । मणोरहा वि दे इत्तियं भूमि न संपत्ता ।
वैश्रवणः - भगवति ! अहमिदानीं यक्षस्यानुचरः । मनोरमा-जइ एवं ता भट्टिदारियाए अहयं । चित्राङ्गदः - (सहासम्) भगवति ! किमिदानीं मया विधेयम् ? ।
गन्धमूषिका - कुमार ! त्वया कपिजलेन च साक्षिणा भाव्यम् । (पुनर्विमृश्य) तामरस ! ब्रज त्वं देवलक-मागधिकाभ्यां सह सौधतलम् । विधेहि कुमारविवाहोचितां सामग्रीम् । (इति तामरसो देवलक-मागधिकाभ्यां सह निष्क्रान्तः ।)
(प्रविश्य) बटुः – ( गन्धमूषिकां प्रति ) भगवति ! लग्नसमय इदानीम् । समाप्यतां कौतुकविधिः, प्रतिरुध्यतां कोलाहलः, अवधीयतां झल्लरीझात्कारः।।
गन्धमूषिका - चन्द्रलेखे ! विधेहि वधू-वरस्य प्रोक्षणादिकां क्रियाम् । मनोरमे ! उपनय दधि-दूर्वा-ऽक्षतादीनि । ( उभे कुरुतः । )
गन्धमूषिका - वैश्रवण ! परिधापय सदृशान्यंशुकानि यक्षाधिराजम्, बधान मदनकडकं दक्षिणकलाच्याम् ।,
(वैश्रवणः सर्वमाचरति ।) गन्धमूषिका - कुमार ! चन्द्रलेखे ! फलार्थदानपूर्वकं उपनयतां यक्षाधिराजाय मल्लिकाम् । चित्राङ्गद : - (प्रणम्य) भगवन् ! परिणय मल्लिकामेताम् ।
चन्द्रलेखा - भगवन् ! प्रदत्ता मया तुभ्यं वत्सा । तथा प्रसीद यथा यावज्जीवमविधवा भवति ।
१ हृदय ! समाश्वसिहि । मनोरथा अपि ते इयती भूमि न सम्प्राप्ताः। २ यदि एवं तद् भर्तृदारिकाया अहम् ।
Jain Education International
For Private & Personal Use Only
www.jainelibrary.org
