________________
भुवणभाणुकेवलिचरियं
पडिओ महाडवीए राआ तल्लहुसहोअरस्स तओ । रज समिप्पऊणं 'नीलिबभिहस्स पव्वइआ ॥१००१॥ चरणं आचरिऊणं धणंजो रायरिसिवरो एसो । उप्पन्नविमलनाणो पत्तो निव्वुइमहानयरिं ॥१००२।। अडवीए भममाणो कुमरो जो चित्तकालनामेण । वग्धाभिहाणपल्लीपइपुत्तेणं च किर दिट्ठो ॥१००३॥ रणभग्गेणं तत्थागएण तेणं समं मिहो जुद्धं । लग्गं कुमरस्स तओ जुझंता दो वि ताव 'मुया ॥१००४।। पडिओ कुबेरकुमरो महंतनरगेसु मच्छपमुहेसु । पुणरवि पभूअकालं ठविओ दुक्खभरभरिओ जो ॥१००५।। धणसिट्ठिणो परमसावयस्स जाओ महापुरे नयरे । पुत्तो जो जणगेणं दिन्नं पउम त्ति नाममिणं ॥१००६।। जो बालत्ते वि अहो ! अहिठिओ रायकेसरिसुआए । बहुलित्तिनामिआए अणंतअणुबंधिमायाए ॥१००७॥ मायाए उदएणं की तो सह अणेगडिभेहिं । वंचेइ ताणि तेसि भक्खं धिप्पेइ जो बालो ॥१००८॥ बहुलीपहाणयाए जो 'जाणावेइ अप्पणी निचं । साहुत्तणं च सिसुणो रंजेइ निअमहुरगिराए ॥१००९॥ एवं वटतो जो जगणिं वंचेइ जणगमवि ताव । बंधववग्गं भइणीओ सयणे 'विभमेइ सया ॥१०१०॥ सत्थाई पढमाणो पाढगमवि पंचए अ धुत्तो जो । दोहं करेइ कुमराण तहा 'सड्ढं पढ़ताणं ॥१०११॥ "गिहदेवगिहा-ऽवरदेवगिहेसुं जो समागओ थुणइ । देवे विविहथुई हिं परमंतरमुबलहेइ जया ॥१०१२।। जो भक्खेइ तया पुण 'देवपुरोवट्टिमोअगप्पमुहं । घंटाइअं परं पि हु कक्खाए पक्खिवइ मूढो ॥१०१३।। मन्नइ जो नेव निअं अवराहं मारिओ वि गूढमणो । गोवेइ अणेगाहिं जुत्तीहिं धुत्तभावाओ ॥१०१४॥ केण वि समं च सम्मं भावं पयडेइ नेव जी'जाउ । जणगस्सावि कयाह वि 'साभिप्पायं न जपेड ॥१०१५।।
१. नीलेत्यभिधस्य ॥ २. मिथः परस्परमिलार्थः ॥ ३. मृतौ ॥ ४. झापयति ॥ ५. विभ्रमयति ॥ ६. सार्दम् ॥ .. गृहविगृहाऽपरदेवगृहेषु गृहदेवालये देवगृहे वा इत्यर्थः ॥ ८. परम् अन्तरमुपलभते यदा ९. देवपुरोवर्तिमोदकप्रमुखम् ॥ १.. कक्षावाम् ॥ ११. जात कदाचिदपीत्यर्थः ॥ १२. खाभिप्रायम् ॥
Jain Education International
For Private & Personal Use Only
www.jainelibrary.org
