________________
सिरिइंदहंसगणिविरइय उभएसिं रायाणं सिन्नाई संठिआणि इत्थ सया। जाणं जुज्झं वटटइ जीवाण सुह-दुहदाणहूँ ॥१७९।। कालो गओ अणंतो दुण्हं रायाण जुज्झमाणाणं । हवइ अ कयाइ 'कस्सइ जयो तह पराजओ चेव ॥१८०।। एएहिंतो गरुओ महड्ढिओ होइ लोगतिगनाहो । कम्मपरिणामराओ सामत्थं जस्स दुज्जे ॥१८॥ 'सुह-असुहाइअरूवो विचित्तओ चम्मचक्खुअअलक्खो । जोगिंदाण समक्खो जिट्ठो भाया य मोहस्स ॥१८॥ लोगट्टिईइ लहुओ भाया भणिओ समत्थओ इत्थ । कालपरिणामयो सो एसो नाडयपिओ निच्चं ॥१८३॥ तथाहिकिजति जेण देवा गद्दहरूवा खरा य सुररूवा । तह माणवा य नारगरूवा पुण नारया मणुआ ॥२८॥ 'अहणा अवि धणवंता धणवंता चैव निद्धणा खणओ ।। सुहिणो दुहिणो दुहिणो सुहिणो 'जत्तोस-रोसेहिं ॥१८५॥ गयसोगा य ससोगा ससोगया सोगवजिया लोगा। नीरोगा य सरोगा सरोगया 'नीरुआ जम्हा ।।१८६।। केसि हरेइ रज्जं एगेसिं देइ चक्कपट्टित्तं । एवं विचित्तरूवो समत्थओ अत्थि कम्मनिवो ॥१८७।। तिरिआ-ऽमर-नर-नारयरूवेहिं 'विगयसंखपत्तेहिं । जो नट्टावइ नर्से पट्टि मोहराएण ॥१८८।। एसो कम्मनरेसो चिट्ठइ नाडयपिओ तिलोगम्मि । जम्हा एअं सारं संसारे घट्टए नटुं ॥१८९।। चारित्तधम्मपक्खं गिण्हंतो एस होइ सुहरूवो । मोहमहीसरपक्खे वटुंतो पुण असुहरूवो ॥१९०॥ पक्खम्मि जस्स एसो पवट्टए तस्स निच्छओ विजओ । निण्णेअव्वो उ अवरपक्खस्स पराजओ चेव ॥१९॥ मुणिऊणं जेण कयं सिन्नोभयपक्खवायमइरुट्ठो । इअ मोहनिवो अं पड़ जंपइ रायाहिरायं च ॥१९२।। अम्हे तुज्झ सया हिअकरा तह पियंधया महाराय।।
नट्टविहाणपवीणा तुमं च नाडयपिओ इत्थ ॥१९३।। १. कस्यचित् ॥ १. शुभाशुभादिकरूपः ।। ३. अधनाः ॥ ४. यत्तोष-रोषैः॥ ५. नीरुजः ॥ ६. विगतसङ्खचापात्रः-असङ्ख्यपात्रैः ।।
Jain Education International
For Private & Personal Use Only
www.jainelibrary.org
