________________
भुवणभाणुकेवलिचरिये
कूडवयणेसु परधणआयाणेसु' परदारसेवासु । वडावेइ जणं जो परिग्गहा-ऽऽरंभकरणेसु ॥१६५।। भोइअरयणीभत्तो कोहजलणेण ताविओ जेण । दढपाडिअमाणसिलो सहेइ दुक्खाणि जणवग्गो ॥१६६।। "माएगरक्खसीए गसिओ लोहमहसायरे पाडओ। पुत्ताइपेमपासाउरो जिओ मोहमाहप्पं ॥१६७।। तिरिअ- नरयावणि-कुनरभवेसु लोओ पवीलिओ जेणं । तत्तो एसो मोहो अहिओ लोआण अक्खाओ ॥१६८।। कडगं जस्स भडेहिं कोहा-ऽहंकार-लोहपमुहेहि । विअडं मोहनिवाऽऽणाकारगमे सया अहि ॥१६९।। यतःअण्णायकारगो राया जह तस्स तहा पया। जओ वुच्चइ लोगम्मि जहा गया तहा पया ॥१७०॥ 'चारित्तधम्मनामो सुनायगो होइ धम्मसिन्नस्स । सम्मइंसण-उवसम-सच्चाइभडो जिआण हि ॥१७१॥ संजमनरवइचरिअॅ परोवयारस्स कारणं लोए। 'निअसवणामिअरसमयरसायणं सुबह धीमंता! ॥१७२।। यथादेवे देवत्तमई सुसाहुवग्ये गुरुत्तबुद्धिं च । तत्तेसु अ तत्तरुई जणेइ लोअस्स जो राओ ॥१७३॥ 'सक्किरिआआउत्तो भूअग्गाम ' अवेइ अप्पं व । न लवइ असञ्चवयणे जस्साऽऽणामग्मलग्गजणो ॥१७४|| चोरिअ-अबंभ-आरंभ-परिग्गहवजणाणि सुद्धमणो । रयणीभोअणनिअमं जेण जणो पेरितो कुणइ ॥१७२।। अजव-मद्दव-संतोसप्पमुहेहिं 'महाऽऽहरणएहिं । जो तप्पेइ इमेहिं विवेअवंतो सया लोए ॥१७६।। देव-सुमाणुसभवसुहलाहो सुअप्पबोहो अ (१)। आरुग्गं सोहग्गं जस्स पसाया हवंति जणे ॥१७७।। एसो संजमराओ संसारावाससंसरंतजणे ।
पालितो पजंते मुक्ति दितो हिओ वुत्तो ॥१७८॥ १. आदानेषु ॥ २. भोजितरजनिभक्तः ३. मायैकराक्षस्या ॥ ४. तिर्यग्नरकावनि ॥ ५. प्रपीडितः ॥ ६. अहितः ॥ ७. आरव्यातः ॥ ८. निजश्रवणामृतरसमयरसायनम् ॥ ९, सत्क्रियाऽऽयुक्तः ॥ १०. अवति-रक्षति ॥ ११. महाभरणकैः ॥
Jain Education International
For Private & Personal Use Only
www.jainelibrary.org
