________________
१२
सिरिइंदहंसगणिविरइयं
तह तुह दसणमेअं कुणेइ हरिसं मुणिंद ! मह नाह ! । जस्स पमाणं काउं जिणाउ अन्नो न सकेइ ॥१५१ करुणासायर ! सामिअ! अणेगसंगामसंगहिअपावो । नरयगइभमणभीरू तुह सरणमहं पवज्जेमि ॥१५२।। कारुण्णं काऊणं कहेसु सरणं किमित्थ मह अत्थि । समणो भणेइ नरवर! तं तुह सरणं खु जं मज्झ ॥१५३।। तुम्हाणं भुवणिक्कसरणभूआणं पि को परो सरणं ? । पडिहाइ अच्छरिअमिअ महंतयं मज्झ हिअयम्मि ॥१५४॥ एसो को संबंधो ? जगबंधो ! वसुहनाह ! सोअव्वो । एगग्गमणेण मए कहिजमाणो इमो तुमए ॥१५॥ तथाहि'लोगोअरनामेणं नयरं सब्वत्थ अस्थि विक्खायं । सयलाणं लच्छीणं ठाणं लोआण सुनिवासो ॥१५६।। जं सासयं च 'पुव्वावरभागेहिं विमुक्कयं गरुअं । पूरिअमल्झं मणहरनिकेअणेहिं अणेगेहिं ॥१५७।। जत्थ य सव्वे वण्णा सयलाओ जत्थ 'जाइणाईओ। जत्थ रयणरासीओ धणाणि 'सिप्पाणि सव्वाणि ॥१५८।। विजाओ वजाओ* नीईओ जम्मि धम्मकम्माई । वटुंति अ नट्टाई खणमित्तसुदिटुनवाई ॥१५९॥ 'कडगाणि तत्थ दुन्निउ ठिआणि किर धम्म-पावरुवाणि । गाढयरं पबलाई परप्परविरोहवंताणि ॥१६०॥ सबलो मोहनरिंदो सामी पावाभिहाणसिन्नस्स । सव्वेसिं 'भूआणं वसीकयं जेण तेलुकं ॥१६१।। यथा५ देविंद-दाणविंदा पुढविंदा जस्स आणवट्टिणो जाया । का वत्ता अन्नेसिं 'सिटिप्पमुहाण लोआणं? ॥१६२।। देवमइमदेवेसु वि कारेइ मई गुरूणमगुरूसु । तत्तमइमतत्तेसु वि इअ आणा जस्स ''सत्तवई ॥१६३॥ परिहरिअकिञ्चपक्खो पावकिआऽऽसत्तमाणसो दक्खो । जस्स वसगो अ लोगो हवेइ हिंसाविहाणपरो ॥१६॥
१. लोकोदरम् इति नाम्ना ॥ २. पूर्वापरभागः ॥ ३. जातिज्ञातयः ॥ ४. शिल्पानि ॥ ५. वर्याः-प्रधानः ।। ६. कटके ॥ ७. परस्परविरोधवती ॥८. पापामिधानसन्यस्य ॥ ९. भूतानां प्राणिनामित्यर्थः ॥ १०. देवेन्द्रदानवेन्द्राः, पृथ्वीन्द्राः नरेन्द्राः ॥ ११. श्रेष्ठिप्रमुखाणाम् ॥ १२. सत्त्ववती ॥
Jain Education International
For Private & Personal Use Only
www.jainelibrary.org
