________________
सिरिइंदहंसगणिविरइयं धण-सयणबलुम्मत्ती निरत्थयं अप्प ! गन्धिओ भमसि । जं पंचदिणाणुवरि न तुम न धणं न ते सयणा ॥६६॥ कालेण अणंतेणं बलदेवा चक्कि-वासुदेवा वि । पुहईइ अइकंता को सि तुमं? को य तुह विहवो? ॥६७।। भवणाइं उबवणाई सयणा-ऽऽसण-जाण-वाहणाईणि । निच्चाई न कस्सइ न वि अ कोइ परिरक्खिओ तेहिं ॥६८॥ माया-पिईहि सहवइढिएहि मित्तेहिं पुत्त-दारेहिं । एगयओ सहवासो पीई पणओ वि अ अणिच्ची ॥६॥
[भवभावनाप्रकरण गा. ११-३] इच्चाइअणिञ्चत्तं भवभुवर्णतरफुरंतवत्थूणं । भावंतो 'भूमंतो वेरग्गं णिञ्चलं पत्तो ॥७०॥ अह उढिअम्मि सूरे कुंकुमलेवं नहं व कुर्वते । पारिअ रयणीपोसहमच्चेइ जिणे निवो निउणो ॥७१।। पारणग काऊणं सुहभावणभाविओ इअ हवेइ । चारित्तग्गहणमणोरहो कहं मे फलिस्सइ जो ? ||७२।। उजाणवणम्मि जणे उवकुणमाणे फलावलीहितो । कुवलयचंदक्खजिणो विहरतो आगओ वीसुं ॥७३॥ उजाणपालओ पुण केवलिणो आगई नरिंदस्स । जाणावेइ, नरवई इमस्स कणगाइअं देइ ॥७॥ . आणंदपुलइअंगो राया गंतूण णमइ केवलिणं । पंचविहं अभिगमणं मुत्तूणं गुणमणिसमुद्दो ॥७५।। उवविट्ठो जिणपासे जो उवदिसए मुणी समाहप्पो । महुराए भासाए तावोवसमऽमिअसरिसाए ॥७६।। निसुणेसु नरेस ! तुम संसारे वत्थु दीसए जं जं । तं तं जाणसु सयलं असासयं कणगमाईअं ॥७७॥ रज्जेणं विउलेण वि न रक्खिओ को वि 'कोविओ वि नरो । भूवाल ! महुनिवडूणो दिटुंतो एत्थ १व्यो ॥७८।। वाणारसीइ नयरीइ सकनयरीसरिच्छलच्छीए । रज करेइ राया महुनामो सुहडपरिअरिओ ॥७९॥ "पत्ती एगो परबलधीरो नामेण तस्य अत्थि धुवं ।
जो एस 'लक्खजोही जस्स य वित्ती कणगलक्खो ॥८॥ १. भूमान् भूपतिरित्यर्थः ।। २. तापोपशमामृतसदृशया ॥ ३. कोविदोऽपि ।। ४. पत्तिः पदातिरित्यर्थः ।। ५. लक्षयोधी॥
Jain Education International
For Private & Personal Use Only
www.jainelibrary.org
