________________
१२८
सिरिइंदहंसगणिविरयं
हाहारवो समुच्छलइ तओ मूढो ससंभमो जाओ। रायसुओ वरधणुणा भणिओ कन्ना इमा अन्ना ॥१७६७।। सा पुण रायसुआ लेहपेसणेणं निवारिआ इत्थ । एआए पडिबंधो कत्तव्वो नेव को वि तए ॥१७६८।। एत्थ जउमंदिरम्मि अ पायपहारो तए वि मोत्तव्यो । जेणं निग्गच्छामो जलणाओ पजलंताओ ॥१७६९॥ तेण तहेव कर दो वि सुरंगामग्गओ तओ झत्ति । निग्गंतूणं च गया दुवारदेसम्मि भयभंता ॥१७७०॥ पढमं चिअ धणुमंतीसरेण दो आसहत्थया पुरिसा । तत्थ ठविआ य वरघणुविनाया बुद्धिमंतेणं ॥१७७१॥ तेसु तुरगेसु कुमरा दो वि समारहिअ दूरओ चलिआ । 'वोमेसुजोअणाई गया पहसमा हया पडिआ ॥१७७२।। अह पयचारेणं ते चरमाणा कोट्टगाममिहपत्ता । तत्थ कुमारी जंपइ छुहा ममं बाहए बादं ॥१७७३॥ गामं गओ वरधणू नाविअमागारिउ कुमरसीसं । मुंडाविरं कसाइअवत्थाई च परिधावेइ ॥१७७४।। चउरंगुलपट्टेणं उरत्थलं छाइ ससिरिवच्छं । वरधणुणा वि अ वेसो निओ परावट्टिओ तत्तो ॥१७७५।। दो वि गया गामवरम्मि पिच्छिआ माहणस्स भिच्चेण । आगारिआ य गेहे आयरओ ते गया तत्थ ॥१७७६।। काराविऊण भोअणमेएसि खिवइ इथिआ एगा। कुमरसिरे अक्खयए बंधुमईकन्नगाहेउं ॥१७७७॥ एआए कन्नाए एस वरो चेव ताव होउ ति । तब्वयणं सोऊणं भणेइ वरधणुमहामंती ॥१७७८॥ मुक्खस्स इमस्स य बडुअस्स कए किजए उ को खेओ । ताव कहेइ गिहवई विप्पो आणंदिअमणो अ ॥१७७९।। नेमित्तिएणं एगेण भणिअमम्हाण एत्थ जो पत्तो। भुंजइ मित्तजुओ छाइअसिरवच्छो अ तुम्ह गिहे ॥१७८०॥ . सो भत्ता तुम्हाणं एआए कन्नगाइ होहि त्ति । तेणं पाणिग्ग हणं च कारिअं कुमररायस्स ॥१७८१।।
१. पञ्चाशत् योजनानि ॥ २. नापितम् ॥
Jain Education International
For Private & Personal Use Only
www.jainelibrary.org
