________________
भुवणभाणुकेवलिचरियं
अह पुब्वविदेहमहीविभूसणे गंधिलावईविजए । चंदपुरी इंदपुरीसरिसा नयरी इमा अत्थि ॥१५१६।। तत्थ अकलंकनामो करेइ रजं महडिओ राया । भूवपणयपयकमलो समिद्वि-सत्तीहि 'सक्कसमो ॥१५१७।। जिणरायपायपंकयछप्पयकप्पस्स तस्स सोममुही । महिसी सुदंसणा नाम समुजलदसणसमुद्दा ॥१५१८।। एगय पभायसमए गोखीरसमाणसीहसुविणं च । लहइ निवइभजा परिपालिअजिणधम्ममजाया ॥१५१९।। समय ग्गिसायरोवमजी पालिअ तओ चुओ संतो । म सुरिंददत्तजीओ तीए कुच्छीए उप्पन्नो ॥१५२०॥ रायरमणीइ एसो सुविणो जाणाविओ नरिंदस्स । आगारिआ सुविणसत्थपाढगा तेण निअगेहे ॥१५२१।। तेसि सुविणो कहिओ कंतालहिओ नरेसरेण तओ । तेहिं विआरिऊणं भणिजए 'सुविणसक्कत्थो ॥१५२२।। जं च महाराय ! सुविणसत्थे सीहो महासुविणमुत्तं । तस्स पहावेण सुओ हविस्सए सीहबलवंतो ॥१५२३॥ पुणरवि पुत्तो एसो खीरमहाजलहि विसयजसरासी । पसरंततेअसूरो सूरी भावी धणक्कमणे (?) ॥१५२४॥ ते कणगाइअदाणं दाउं रण्णा विसजिआ रण्णी । आणंदभरभरिअमाणसा सुहेण वहइ सगभं ॥१५२५।। जिणदेवपूअणअभयदाणाई हिं नरिंदमिगनित्ता । पूरेइ दोहले पइदिणमुप्पजंतए निअगे ॥१५२६॥ सुहवासरम्मि वसुहा व निहाणं निवइअंगणा तणुअं । पयडीकरेइ "सूइगिहुजोअविहाणमाणिक्कं ॥१५२७॥ सुअजम्मसरूवं ताव चंदधाराभिहाणदासीए । नरनाहस्स निवेइअमेसो हरिसाउलो जाओ ॥१५२८।। नरवइणा तीए पारितोसि दाणमंजसा दिन्नं । 'आजीविअनिव्वाहगमहो! धणवओ सिणेहकओ ॥१५२९॥
१. शक्रसमः ॥ २. कान्तालब्धः ३. स्वप्नसत्कार्थः ॥ ४. विशद० ॥ ५. सूतिगृहोद्योतविधानमाणिक्यम् ॥ ६. आजीविकानिर्वाहकम् अहो! धनव्ययः स्नेहकृतः ॥
Jain Education International
For Private & Personal Use Only
www.jainelibrary.org
