________________
६६६
अज्ञातकृत सीमंधर स्वामी स्तोत्र ( अपभ्रंशमां.)
नमि नमि सुर असुर नर वंदि वंदी पयं, रयणिकर-करनिकर-कित्तिभरपूरियं, पंच सइ धणुह परिमाण परिमंडियं, थुणह भत्तीइ सीमंधरसामीयं. मेरूगिरिसिहर धयबंधणं जो कुणइ, गयणि तारा गणइ, वेलुआकण मुणई, चरमसायरजले लहरिमाला मुणइ, सो वि तुह सामि न हु सव्वहा गुण थुणई. २ तहवि जिणनाह निय जम्म सफलीकए, विमल सुह झाण सिद्धाण संसिद्धए, असुहदल कम्ममलपडल निन्नासणं, तात, करि वाणि तुह संथवं बहुगुणं. ३ मोहभर बहल जलपूरि संपूरिये, विषय घण कम्म वणराज संराजीये, भवजलहि मझ निवडंतु जंतूकए, सामि सीमंधरो पोय जिम सोहए. ४ तेय-भर-भरिय दिसि-विदिस गयणंगणो, पबल मिच्छत्त-तम- तिमर विध्वंसणो, भवियजण कमलवणसंड बोहंकरो, सामी सीमंधरो दिप्पए दिणयरो. सुजण-मण-नयण आणंद संपूरिकं, दुरितहरता - रता रूकमणीनायकं, सयल जगजंतु भवपापतापापहं, नमजं सीमंधरं चंद-सोभावहं. सुरभुवणि गणि पायालि भूमंडले, नयरि पुरि नीरि निहि मेरूपव्वयकुले, देवदेवीगणा नारि नर किंनरा, तुम्ह जस नाह गायंति सादर - पुरा. ७
नाणगुण ज्झाणगुण चरणगुण मोहिया, सार- उवयार-संभार... सोहिया, रयणि दिणहरि सि वसि सुत्त जागर मणा, तात, तुह नाम झायंति तिहुयण-जणा. सिद्धि कर बुद्धि करि रिद्धि करि संकरा, विषयविष अमीय भरि सामि सीमंधरा,
पुव्वभावविहिय वर पुन्नचय पामिया, राखि हिव भूरि भवभमण सामीया. ९ कंम्म-भर- भार संसार अइ भग्गउ, घणउं फिरिऊण जिण, पाय तुह लग्गउ, मज्झ हीणस्स दीणस्स सिव गामीया, करवि करूणार संसारू करि सामीया. १० कठिन हठ घाय तिरिय तणे ताजीओ, नरय गइ करूण विलवंत नहु लाजीयओ, मयण गयहीण परि कम्मवसि पडियओ, लागि तुह चरण आणंद हिव चडियओ. ११ केवि तुह दंसणे देवि सिव साहिगा, केवि वाणी सुणी चरण भवमोहिगा, भरहखित्तंमि हउं ज्झाणि छउं लग्गओ, देहि आलंबणं नाह, जइ जग्गओ. १२ धन्न ते नयर जिहि सामि सीमंधरो, विहरए भवियजण - सव्व-संसयहरो, कामघट देवमणि देवतरू फलीयओ, तीह घरि जीहरइ सामि तुह मिलीयओ. १३
Jain Education International
For Private & Personal Use Only
9
५
६
て
www.jainelibrary.org
