________________
१२२
प्राचीन मध्यकालीन साहित्यसंग्रह सोल सहस्र गोपी मिली रे, मनमोहन मदमाती रे, -घूमर घालें चिहुं दिसें, नृत्य करें गुण गाती रे. १३ फाग. ताल सहित स्वर चालवें रे, गान करे गुणमाला रे, माधवजी मन मोहीयो, वाजें वेणु कंसाला रे. १४ फाग. रामगिरि मलयागिरि रे, हरिसेना हरिसाली रे, गावे गीत सुहामणा, दे ताली मुख बाली रे, १५ फाग. हरि बोली हासो करे रे, जयसेना तिहां वारे रे, पूठि पूठि रही पुहपावती, नयणां काजल सारो रे. १६ फाग० रूकमणि खेलें राधिका रे, हसितमुखी हरणाखी रे, जंबुवती भामा सती, रंग रमे रस राखी रे. १७ फाग. भोले भूली भांमिनी रे, बलिभद्रजी-सु बोले रे. गोठ दीयो गोपी भणी, कटिपटको तिहां खोले रे. १८ फाग. नांखे अरगजा कुमकुमा रे, नांखे गुलाल अबीरो रे, भीजे भोगीरो चोलणो, भींजे गोरीनो चीरो रे. १९ फाग. केसर घोल कपूर-सुं रे, भामिनी भरि भरि लोटा रे, छयल पुरूष छांटे तिहां, हसि हसि ये तालोटा रे. २० फाग. छल देखी राणी कहे रे, सांभल कंत मुरारी रे. घणा दिवस जाता तुम्हे, आज अम्हारी वारी रे. २१ फाग. नांखे पिचरका प्रेमका रे, अबीर गुलाल उडावे रे रूकमणि ने चंद्रावती, हरीने घणुंअ हसावे रे. २२ फाग. देखी देवर दूरथी रे, हरि-भामिनि तिहां आवे रे, नेमिकुमार उभो तिहां, जंबुवती बोलावे रे, २३ फाग० लाज मरां म्हे लोकमें रे देवर अजे कुमारो रे, विण परण्यां हिव नेमिजी, नहि मुकां निरधारो रे. २४ फाग. कूडकपट तिहां केलवी रे, नेमि विवाह मनायो रे, राजमती परणाविसां, मुरलीधर मन भायो रे. २५ फाग. राजवीए मिलि राजवी रे, कुमरें कुमर वसीला रे, भामिनि-सु मिलि भामिनी, खेले फागु रसीला रे. २६ फाग. फाग रमी घरि आवीया रे, सुख विलसे असमानो रे, होडि करे कुण एहनी, सोहे अधिक सनेहो रे. २७ फाग०
Jain Education International
For Private & Personal Use Only
www.jainelibrary.org
