Madanrekha Akhyayika

SR No.: 002639
Original Sutra Author: Jinbhadrasuri
Author: Bechardas Doshi
Publisher: L D Indology Ahmedabad
Publication Year: 1973
Total Pages: 304
Language: Sanskrit, Hindi
Classification: Book_Devnagari & Literature
File Size: 15 MB

Page 194

उच्छ्वासः ]
मदनरेखा - आख्यायिका
११५
'यदि त्वं सकलमपि संसारस्वरूपं परदारपरीरम्भलालसमानसानां ध्रुवं नरकपातं च श्रद्धालुरसि ततः परवधूनिरीक्षणे तन्द्रालुर्निद्रालुश्च भूयाः । सम्पद्यस्व मयि दीनायां दयालुः, मां पुनर्दुः शीलबुद्ध्या ध्यायन्नपि गृहयालुः पतयालुरेव नरककोटरे भविष्यति । त्वया तावदिह पद्माकरे पतन्तीं त्रायमाणेन जीवितं दत्तमिदानीं तु शीला पहारापदेशेन तदपहर्तुमेव प्रारभ्यते । तदेतत् सकलमेवानुचितं सत्पुरुषाणाम् ।
जीवितं शीलमेवैकं कुलीनस्य क्षमातले ।
यतः शीलविहीनानां जीवितव्यकथा वृथा ॥ २७३ ॥
अपि च, अहमद्य रजन्यां तत्र सरस्तीरे बालकमजीजनम्, तं च निजजीवितमिव तत्रैव कदलीलतागृहे निवेश्य शरीरादिक्षालनार्थं सरसि प्रविष्टा सती समुत्क्षिप्ता नभसि वारणेन, समानीताऽत्रभवता । स च बालको व्यालादिगोचरगतो वा स्तन्यविरहितो वा स्वस्येव ममापि जीवितकथां समापयिष्यति । तद् अपत्यभिक्षाप्रदानेनातिथेयीं मेामतिथये करोतु महाभाग !, समर्जयतु पुण्यराशि, तनोतु कुन्दावदातामात्मनः कीर्तिम् । यतः -
तनोतु कीर्ति शरदिन्दुशुभ्रां पुण्यश्रियं चार्जयति प्रकामम् ।
येनेह लोके च भवान्तरे वाऽनुकम्पया प्राणिगणस्य धीरः ॥ २७४ ॥ किंबहुना ? 'यदि मां जीवयितुमिच्छसि तदविलम्बमेव तं बालकं वा समानय, नयनिघे ! मां वा तत्र नय' इति व्याहरन्तीमम्बरचरचक्रवर्ती व्याजहार
'सुन्दरि ! सर्वथा यदि मां भर्तारं प्रतिपद्यसे तदा तवादेशकारी भवामि । अपरं च, गन्धारजनपदालङ्कारायमाणे रत्नावहे नगरे मणिचूडा भिधो विद्याधरेन्द्रो बभूव | कमलावती चतस्य राज्ञी । तयोश्च तनूजो मणिप्रभोऽहम् ! मणिचूडस्तु द्वयोरपि श्रेण्योराधिपत्यमस्खलितं पालयन्नपि गतः परमं वैराग्यम् |
कुलमखिलमरीणां हेलया ध्वंसयित्वा
विषयसुखमशेषं स्वेच्छया मानयित्वा ।
तृणमिव पटलग्नं भग्नकन्दर्पदर्पोs
त्यजदभजत दीक्षां मोक्षकाङ्क्षेकतानः ॥ २७५ ॥
१. अत्र 'सकलमपि संसारस्वरूपं विदुः' इत्येवं वाक्यं भवेत् । विदुः - ज्ञाता ।
२. आतिथेयीम् - आतिथ्यम् ।
३. मानयित्वा - अनुभूय ।
1 महामतिकथयेव क० खल 1 2 ततः यदि खल । 3 जीवितु ख । 4 समानय
निधेहि मां खल |