Page Text
________________
श्रीजिनभद्रसूरिरचिता
[द्वितीयः नवयुवत्यामिव रैचिरमारहितायां, साधुसंसदीव सैच्चक्रवाक्यजनितानन्दायां, द्यूतकारप्रकृताविव नालीकमुखमुद्राचतुरायां, पिशुनसंगताविव सैंदोषधीहितायां सन्ध्यायां निजगदे केनापि वैतालिकेन नृपानुरूपं रूपकमिदम् , यदुत
इन्दोः कलत्रमनुकूलयितुं त्रियामां
__ सन्ध्या दिनेशितुरियं ध्रुवमेव दूती । नो चेद् विलम्ब्य किमुडप्रकरच्छलेन
___ मुक्तास्तनोति वरहारलताकृतेऽस्याः ? ॥१.००॥ तदेतदाकर्ण्य चिन्तितमनेन सा तावत् सुधांशुवदना संदनादरपराऽपि, न सँदनादरपरा, वंदनादरोद्यताऽपि, न मदनादरोद्यता, कथमन्यथाऽस्माकमुपचारं उदारं हारमिव निर्विचारमेव वरतरलाभोपचितचित्तकुतूहला प्रतिपद्येत । न खलु प्रणयपरिचयातिशयमन्तरेण कुरङ्गेक्षणदक्षिणापि परपुरुषोपचारनामाऽपि सहते किं पुनरियं मुग्धलोचना ? केवलमात्मनो हृदयाभिप्रायप्रकटनमभिमतमपि मनसो वचसो विषयमानेतुमनीश्वरा एव कुलबालिका विराजन्ते । न खलु चन्द्रकान्तमणयोऽप्यन्तर्गतममृतं सुधाकरचन्द्रिकाव्यतिकरमन्तरेण क्वचिदपि प्रकाशयन्ति।
ततो यदि काचिदुदारसारवचनव्यापारचतुरा दुरापपरहृदयविदुरा, यथासमयानुरूपविचारचारसूत्रिका संपद्यते दूतिका, तदिदमनायासेनैव देवमपि निरस्य ममेष्टमचिरादेव सिद्धयतीति मदनरेखाविषयतत्त्वचिन्ताचिताचान्तचेतोवृत्तेरविहितस्वहितसन्ध्यासमयसमुचितपूज्यसपर्याप्रवृतेरेनादृतसेवायातसामन्तचक्रस्य सहजानुरक्तभक्तशुद्धशुद्धान्तवधूचक्रस्य -
१. रुचिरः-सुन्दरः, मारः-कामः, तदर्थ-हितायै ।
२. सतां चक्रं-सच्चक्रम् , तस्य वाक्यं सच्चक्रवाक्यं, सच्चक्रवाक्येन जनितः आनन्दः यस्यां तस्यां सच्चक्रवाक्यजनितानन्दायां साधुसंसदि । साधुः-सज्जनः ।
३. नालीकं-यूतक्रीडायाः उपकरणम् । ४. दोषसहितायाः धियः हितायाम् । ५. वरहारलतानिमित्तम् । ६. सदन-गृहम्, तदादरपरा अर्थात् स्वगृहम् एव निवासादरपरा न बहिः आगच्छति ।
७. सन्-विद्यमानः शुभो वा यः अनादरः तस्मिन् न, परा-परायणा, अर्थात् न आदरपरामम अनादरं न करोति ।
८. वदनेन वचनेन आदरोद्यता ।
९. अनादृतं सेवायाम् आयातं सामन्तचक्रं येन तस्य-सेवाप्राप्तसामन्तचक्रविषये अनादरकारकस्य ।
1 °वदुत्सुकं सुव डे । 2 °चित्तवृत्तिकु डे। 3 °क्षणा दक्षेणा डे। 4 'नीशा एव डे। 5 °विचारसू कल । 6 'दैवमपि' इति पदं डे आदर्श नास्ति । 7 हितहित कल ।
Jain Education International
For Private & Personal Use Only
www.jainelibrary.org
| SR No. | 002639 |
| Book Title | Madanrekha Akhyayika |
| Original Sutra Author | Jinbhadrasuri |
| Author | Bechardas Doshi |
| Publisher | L D Indology Ahmedabad |
| Publication Year | 1973 |
| Total Pages | 304 |
| Language | Sanskrit, Hindi |
| Classification | Book_Devnagari & Literature |
| File Size | 15 MB |