________________
इच्छामि भत्ते आइरियभत्ति काउस्सग्गो कओ तस्सालोचेउं सम्मणाणसम्मदसणसम्मचरित्तजुत्ताणं पंचविहाचाराणं आयरियाणं आयारादिसुदणाणोवदेसयाणं उवज्झायाणं तिरयणगुणपालणरयाणं सव्वसाहूणं णिच्चकालं अच्चेमि पूजेमि वंदामि णमस्सामि दुक्खक्खओ कम्मक्खओ वोहिलाओ सुगइगमणं समाहिमरणं जिणगुणसम्पत्ति होउ मज्झं।
५. अथ योगिभक्तिः थोस्सामि गणधराणं अणयाराणं गुणेहिं तच्चेहिं । अंजुलिमउलियहत्थो अहिवंदंतो स विभवेण ॥१॥
सम्मं चेव य भावे मिच्छाभावे तहे व बोद्धव्वा । चइऊण मिच्छभावे सम्मम्मि उवट्ठिदे वंदे ॥२।। दो दोसविप्पमुक्के तिदंडविरदे तिसल्लपरिसुद्धे । तिण्णियगारवरहिए तियरणसुद्धे णमस्सामि ॥३॥ चउविहकसायमहणे चउगइसंसारगमणभयभीए । पञ्चासवपडिविरदे पंचेदियणिज्जदे वंदे ॥४।। छज्जीवदयावण्णे छडायदणविवज्जिदे समिदभावे । सत्तभयविप्पमुक्के सत्ताणभयंकरे वंदे ॥५॥
णट्ठट्ठमयट्ठाणे पणट्ठकम्मठ्ठणठ्ठ संसारे । परमणिट्ठिमढे अट्ठगुणट्ठीसरे वंदे ॥६॥ णवबंभचेरगुत्ते णवणयसब्भावजाणगे वंदे ।
दसविहधम्मट्ठाई दससंजमसंजदे वंदे ॥७।। एयारसंगसुदसायरपारगे बारसंगसुदणिउणे । बारसविहतवणिरदे तेरसकिरयापडे वंदे ॥८॥ भूदेसु दयावण्णे चउ दस चउदस सुगंथपरिसुद्धे।
चउदसपुव्वपगब्भे चउदसमलविज्जिदे वंदे ॥९॥ वंदे चउत्थभत्तादिजावछम्मासखर्वणपड्पुिण्णे । वंदे आदावंते सूरस्स य अहिमुहट्ठिदे सूरे ॥१०॥ वहुविहपडिमट्ठाई णिसेज्जवीरासणोज्झवासीयं । अणी/अकुडुंवदीये चत्तदेहे य णमस्सामि ।।११।। ठाणियमोणवदीए अब्भोवासी य रुक्खमूलीय । धुदकेसमंसु लोमे णिप्पडियम्मे य वंदामि ॥१२॥ जल्लमललित्तगत्ते बंदे कम्ममलकलुसपरिसुद्धे ।। दीहणहणमंसु लोये तवसिरिभरिए णमस्सामि ।।१३।।
१४२]
[प्रतिष्ठा-प्रदीप]
Jain Education International 2010_05
For Private & Personal Use Only
www.jainelibrary.org
