________________
एवं त्वां स्तवयन्ननन्तमहिमन याचे न किञ्चित् परं
देयास्त्वा भवमात्मवैभवभुवं सौवांहिसेवारसम् ॥ १९ ॥ ॥ इति श्रीसीमन्धरखामिस्तोत्रं समाप्तं विबुधमण्डन पं० सहजमण्डनगणिकृतम् ।।
अथ पार्श्वजिनस्तोत्रम् ।
नमद्देवनागेन्द्रमन्दारमालामरन्दच्छटाधौतपादारविन्दम् । परानन्दसन्दर्भलक्ष्मीसनाथं स्तुवे देवचिन्तामणिं पार्श्वनाथम् १ तमोराशिवित्रासने वासरेशं हतक्लेशलेशं श्रियां सन्निवेशम् । क्रमालीनपद्मावतीप्राणनाथं स्तुवे देवचिन्तामणिं पार्श्वनाथं ।।२।। नवश्रीनिवासं नवाम्भोजनीलं नतानां स्वश्रीदानदाने सलीलम् । त्रिलोकस्य पूज्यं त्रिलोकस्य नाथं स्तुवे०॥३॥ हतव्याधिवेतालभूतादिदोषं वृताशेषपुण्यावलीपुण्यपोषम् । मुखश्रीपराभूतदोषाधिनाथं स्तुवे० ॥४॥ नृपस्याश्वसेनस्य वंशेऽवतंसं जनानां मनोमानसे राजहंसम् । प्रभावप्रभावाहिनीसिन्धुनाथं स्तुवे देवचिन्तामणि पार्श्वनाथम् ५ कलौ भाविनी कल्पवृक्षोपमानं जगत्पालने सन्ततं सावधानम् । चिरं मेदपाटस्थितं विश्वनाथं स्तुवे देवचिन्तामणिं पार्श्वनाथम् ६ इति नागेन्द्रनरामरवन्दितपदाम्भोजप्रवर्तितेजाः। देवकुलपाटकस्थः स जयति चिन्तामणिः पार्श्वः ॥ ७ ॥
॥ इति देवकुलपाटकमण्डनचिन्तामणिपार्श्वजिनस्तोत्रम् ॥
Jain Education International
For Private & Personal Use Only
www.jainelibrary.org