________________
~AA.
(48)
जैनस्तोत्रसन्दोहे [पूर्वाचार्य
[ २७ ? चतुर्विंशतिजिनस्तवनम् । पढमो नरेसराणं पढमो साहूण केवली पढमो । पढमो तित्थयराणं 'रिसह जिणो कुणउ कल्लाणं ॥ १ ॥ कंचणगोरसरीरो लंछणि वरकुंजरो गवलवण्णो । रिट्रयणं व रेहइ जस्स जिणो सो जयउ 'अजिओ' ॥२॥ अभवो 'संभवदेवो' पक्खालियसयलकम्ममललेवो । भवभीरुयभवियाणं दुहभवसंभवभयं हरउ ॥ ३ ॥ जस्संगचंगिमाणं तुलमाणं कंचणं पि अणवरयं । हवइ अणेगागारा तं जिण 'मभिनंदणं' वंदे ॥ ४ ॥ गब्भवसहिनिवसंतो पयधारुजलफुरंतविन्नाणो । संजणिअजणणिसुमई 'सुमई तित्थेसरो जयउ ॥ ५ ॥ सो जयउ 'पउमनाहो' वण्णमिसेणं फ्यासिओ जेण । मणनिच्छूढो राओ जणलोयणपञ्चयत्थं व ॥ ६ ॥ सिवपुरिविहियनिवासो दुरियं अवहरउ जिणवर 'सुपासो' । फणमणिसेणिमिसेणं पईवपव्वं व पयांतो ॥ ७ ॥ पूरियपुट्टल्लट्टियकेवलधवलीकयं व जस्संगं । सो 'चंदप्पह'देवो नंदउ सुरविंदकयसेवो ॥ ८ ॥ पणमामि 'पुप्फदंतं' देवं पुरिसुत्तमं अकिण्हंपि । मयरद्धयं अकामं संकरमीसाणमवि अभवं ॥ ९ ॥ संसारदुहदवानलजालापरितावताविरं तत्तं । कारुण्णजलहि सामी 'सीयल !' मह सीयलं कुणसु ॥ १०
