________________
५०४
[२२१०
नेमिनाहचरिउ [२२१०]
कंठ-कंदल-लुलिर-नर-मुंड पुरिसहि-मालिय-विहिय- सयल-अंगुवंगिल्ल-मंडण । वसुदेविण वाल इग दिट्ठ तयणु संभंत-नयणिण ॥ पुच्छिय तावस जह किह णु एरिस वालिय एह । चिट्ठइ रूविण एरिसिण इय पसिऊण कहेह ॥
[२२११]
ता पयंपिउ वुड्ढ-तावसिण एगेण - महा-पुरिस एय अस्थि गरुयर कहाणिय । तह वि-हु सुणि एग-मणु जह कहेमि हउँ जह वियाणिय ॥ सिरि-जरसंध-नराहिवइ- कुल-नहयल-ससिलेह । नंदिसेण-अभिहाण सिरि- जियसत्तुहु पिय एह ॥
[२२१२]
कवड-वेसिण कूड-विज्जेण परिवायग-माणविण किण-वि कह-वि चिट्ठइ वसीकय । ता अवगय-वइयरिण निविण हणिउ सो एह इहागय ॥ एवं-विहु भूसणु करिवि परिवायग-अट्ठीहिं। चिट्ठइ सोय-जलाविलिहिं परिमिलाण-दिट्ठीहि ॥
[२२१३]
अह खणेण वि सयलु वसियरणु उत्तारिउ वालियह नियय-सत्ति-जोगेण सउरिण । वसुदेवु वि तहिं धरिउ तवसि-जणिण कय-साहुकारिण ।' ता जियसत्तु-नराहिविण अवगय-वुत्तंतेण । सद्दावेविणु सउरि निय- मंदिरि स-निउत्तेण ॥ २९१३. ४. क. धरि.
___Jain Education International 2010_05
For Private & Personal Use Only
www.jainelibrary.org
