________________
४८८
[२१४१
मेमिनाहचरिड [२१४१]
अह सिणाणिण वर-विलेवणिण नाणाविह-भूसणिण विहिय-चारु-सिंगारु मणहरि । पल्लंकि निसिएइ खणु जाव सविहि संठियइ वणि-वरि ॥ ताव समागय वणि-चरह तसु मंदिरह दुवारि । परिवियसिय-मुह-कमल इग नरनायग-पडिहारि ॥
[२१४२]
ता पयच्छिवि हत्थि वणि-चरह नर-नाहिण पेसियउ वहु-पसाउ साणंदु सउरिहि । सविहम्मि भणेइ जह सोमदत्त-नरवरिण कुमरिहि ॥ सोमस्सिरि-अभिहाणयह निय-धूयह पाउग्गि । कयइ सयंवर-मंडवइ निय-सिरि-अहरिय-सम्गि ॥
[२१४३]
विविह-नरवइ-कुमर आहृय सद्दाविय सुहि-सयण गणय-पुरिस आगय अ-संखय । परिपिडिय तक्खणिण वंदि-विंद वहु-संख-लक्खय ॥ अह सव्वाण-महामुणिहि केवल-नाण-महम्मि । चलियासणि पत्तइ खणिण तहिं जि देव-निवहम्मि ॥
[२१४४]
कत्थ एरिसु अमर-निउरुवु मई दिछु इय चिंतिरिहि सोमसिरिहि हुउ जाइ-सुमरणु । ता केण समाणु इह जंपियव्वु इय करिवि ददु मणु ॥ मोण-व्वउ अवलंविउण चिट्ठइ वियसिय-अच्छि । पुच्छिज्जत वि निवइण वि किं-पि न कहइ मयच्छि ॥ २१४१. ८. क. कमल. २१११. ८. क. ख. निवहणु.
____Jain Education International 2010_05
For Private & Personal Use Only
www.jainelibrary.org
