________________
६५४
[ २९३३
नेमिनाहचरिउ
[२९३३]
पउमनाभु वि भणइ - नणु हंत सो चंदु दिवायरु व वासवु ब्व चक्कि व कयंतु व । जो मग्गइ मह दइय स-चल-पत्त अ-मुणंत-तत्तु व ॥ अहवा अज्ज-वि वलिवि इहु निय-ठाणह गच्छेउ । मा मह कोवानलि पडिवि स-बलु वि हरि डज्झेउ ॥
[२९३४]
एहु वइयरु हरिहि साहेइ लहु दारुगु आविउण तयणु हरिण आणत्त पंडव । पविसंति संगर-महिहिं असम-महिम-भुय-दंड-मंडव ॥ पउमनाभ-नरवरिण सह स-चलिण किंतु खणेण । नासिवि पविसिवि निय-पुरिहिं मज्झि निउत्त-जणेण ॥
[२९३५]
पिहिय सयलि वि पुरिहि दाराई तयणतरु केसविण फुरिय-गरुय-अमरिसिण तक्खणि । मिल्लेविणु रह-रयणु पय-भरेण अक्कमिय मेइणि ॥ आगच्छंतिण पुरि-समुहु तह जह पडिय गिहाई । अद्यालय खडहडिय जलनिहि-जल झलहलियाई ॥
[२९३६]
इय निरिक्खिवि धरणि कंपंत पय-दद्दर-पडिरविण खुहिय-चित्तु पुर-लोउ सयलु वि । पडिवज्जइ दोवइहि सरणु एत्थ-अंतरि नरिंदु वि ॥ नियवि अयंडि वि उठियउ सयल-पुरिहिं संहारु । तसु दोवइहि महा-सइहि पइहि करिवि नवकारु ॥
____Jain Education International 2010_05
For Private & Personal Use Only
www.jainelibrary.org
